Աղբիւրի Մօտ (նկար)
«Աղբիւրի Մօտ», ՀԽՍՀ վաստակաւոր նկարիչ Արփենիկ Նալպանտեանի 1957-ին ստեղծած կտաւը, որ կը գտնուի Հայաստանի Ազգային Պատկերասրահին մէջ[1]: Նկարը աչքի կը զարնէ սուր դիտողականութեամբ եւ նուրբ քնարականութեամբ[2]:
Նկարի չափերն են՝ 63x85 սմ, նիւթը՝ կտաւ, իւղաներկ[3]:
Պատմութիւն
ԽմբագրելԱրփենիկ Նալպանտեանի ստեղծագործական նիւթին մէջ մեծ տեղ կը զբաղեցնէ խորհրդային կեանքը, հասարակ ժողովուրդի առօրեան: Անոր ստեղծագործական կեանքի երկրորդ շրջանին կտաւները կը դառնան աւելի կենսալի եւ գեղարուեստական ձեւի առումով աւելի հասուն:
«Աղբիւրի Մօտ» կտաւը հեղինակը ստեղծած է տարուած ըլլալով Բջնիի բնաշխարհով եւ ծանօթանալով տեղի բնակչութեան կեանքին ու առօրեային: Բջնիի մէջ կատարուած աշխատանքներուն մէջ կ'ամբողջանան Նալպանտեանի ստեղծագործական որոնումները եւ նկատելի կը դառնան նկարչուհիի արուեստի զարգացման յետագայ ուղիները[4]:
Նկարագրութիւն
Խմբագրել«Աղբիւրի Մօտ» կտաւը լի է լուսաւոր գոյնով, հարուստ երանգներով, օդառատ է: Ծրագիրը պատկերելու համար Նալպանտեանը առանձին որոնումներ չէ կատարած, այլ պատկերած է այն, ինչ տեսած է: Արտաքինէն չերեւցող, բայց մտածուած դասաւորութիւնները, իմաստաւորուած կապը, միջավայրի աշխոյժ օգտագործումը կենսական համոզչականութիւն կը հաղորդեն աշխատանքին:
Տես նաեւ
ԽմբագրելԳրականութիւն
Խմբագրել- Արփենիկ Նալպանտեանի ստեղծագործութիւններու ցուցահանդէսի գրացուցակ (Նախաբան` Ե. Մարտիկեան, խմբագիր` Ե. Կուրդոյեան) – Ե., 1948
- Հայաստանի Պետական պատկերասրահ – գրացուցակ, Ե., 1965, էջ 137
- կատալոգ 100 (Հեղինակ` Հ. Բադալեան) – գրացուցակ, Ե., 2016
Ծանօթագրութիւններ
Խմբագրել- ↑ «Շտեմարան - Հավաքածոյ - Հայաստանի Ազգային Պատկերասրահ»։ gallery.am։ արտագրուած է՝ 2016-08-09
- ↑ «Արփենիկ Նալպանտեանի մասին armeniaculture.am կայքին մէջ»։ արխիւացուած է բնօրինակէն-էն՝ 2019-03-25-ին։ արտագրուած է՝ 2019-03-25
- ↑ Աղբիւրի Մօտ (1957), Տեղագրութիւն՝ Հայաստանի Ազգային Պատկերասրահ[permanent dead link]
- ↑ Արփենիկ Նալպանտեան.վիրտուալ թանգարան