Ամասիա (անձնանուն)
Ամասիա, հայկական արական եւ իգական անուն։
| Ամասիա | |
|---|---|
| Տեսակ | երկսեռ անձնանուն?, անձնանուն եւ արական |
| Սեռ | արական/իգական |
| Ծագում | |
| Ծագման լեզու | հայերէն |
| Կապուած յօդուածներ | «Ամասիա» սկսող էջեր |
Որպէս արական անուն պատշաճեցուած է Խորենացիի կողմէ՝ բացատրելու համար Մասիս լերան անուան ստուգաբանութիւնը, կը համեմատուին հրեական Ամասիա թագաւորի անուան հետ։ Ամասիան Յուդայի 8-րդ թագաւորն էր։ Գահակալած է Ք․ Ա․ 838 - Ք․ Ա․ 809 թուականներուն։ Պարտութեան մատնուած է Իսրայէլի Յովաս թագաւորի կողմէ եւ մարդասպաններու ձեռքով սպանուած։ Այս անձնանունին եբրայերէն ձեւն է Amaşyāh, որ կազմուած է amş` զօրաւոր եւ Yāh` Եհովա բառերէն եւ կը նշանակէ «Աստուածազօր կամ զօրութիւն Աստուծոյ»։ Տառադարձուած է յունարէն Αμασίας բառէն, որմէ ալ հայերէն Ամասիա[1]:
Որպէս իգական անուն կարճ ձեւն է Ամաս։ Առաջացած է համասփիւռ ծաղիկի անունէն։
Գործածութիւններ
Խմբագրել- Ամասիա, որդի Արմայիսի, նահապետ Հայկազանց (Ք․ Ա․ 1940 - Ք․ Ա․ 1908), նստաւ Արմաւիր, ունեցաւ 3 որդի՝ Գեղամ, Փառոխ եւ Ցոլակ։ Վերջին երկուքի համար գնաց շինեց Փառախոտ եւ Ցոլակերտ աւանները, լեռը կոչեց իր անունով՝ Մասիս։ Կեանքի մնացեալ մասը անցուց Արմաւիր։
- Ամաս, որդի Հազրպէկի[2]:
- Ամասիա, կին Խոփեարի եւ մայր տէր Մեսրոպի, որուն աղջիկն ալ կը կոչուի Ամաս[3]:
- Ամաս, կին Փոխանի[4]: