Արամ Գամպուրեան
Արամ Գամպուրեան (ծն.` 15 Յունուար 1926, Պոլիս), պոսահայ գրող, թարգմանիչ, խմբագիր, դասախօս եւ մեկենաս։
Արամ Գամպուրեան | |
---|---|
Ծնած է | 15 Յունուար 1926 |
Ծննդավայր | Պոլիս |
Քաղաքացիութիւն | Թուրքիա |
Ազգութիւն | Հայ |
Մասնագիտութիւն | Ճարտարապետ |
Ամուսին | Շաքէ |
Ծնողներ | հայր՝ Գրիգոր |
Կենսագրութիւն Խմբագրել
ծնած է 15 Յունուար 1926-ին, Պոլիս: Հայրը` Գրիգոր, ծնած է Պրուսա, 1890-ին, մահացած է 1959-ին, Պոլիս[1]:
Արամ հինգ տարեկանին յաճախած է Լուսաւորչեան մանկապարտէզը, ապա՝ Յ. Թ. Հինդլեանի (1866-1950) «Նոր դպրոց»-ը, ուրկէ շրջանաւարտ եղած է 1938-ի Յունիսին:
Միջնակարգ եւ լիսէի ուսումը ստացած է Վիեննական մխիթարեան վարժարանին մէջ, զոր աւարտած է 1944-ին: Նոյն տարին մուտք գործած է Պոլսոյ թեքնիք համալսարան, ուրկէ վկայուած է 1950 փետրուարին` որպէս ճարտարապետ:
Գործունէութիւն Խմբագրել
Աշխատած է պեթոն արմէ շէնքերու ծրագրաւորման մարզին մէջ: 1961-1978 թուականներու միջեւ իր ասպարէզին քովն ի վեր պաշտօնավարած է Էսայեան լիսէի մէջ` որպէս երկրաչափութեան դասախօս:
1974-էն ի վեր կ'անդամակցի Ուսուցչաց հիմնարկի վարչութեան, ուր ստանձնած է ատենադպիրի պաշտօնը:
Հրատարակուած գիրքեր Խմբագրել
2002-ին հրատարակուած է իր ճամբորդական տպաւորութիւններու առաջին գիրքը` «Ուխտագնացութիւններ եւ ուղեւորութիւններ» անուան տակ:
2005-ին լոյս տեսած է իր երկրորդ գիրքը` «Ճամբարներ նոր ու անվերջանալի»:
2008-ին հեղինակը հրապարակած է իր երրորդ գիրքը` «Թարգմանութիւններ եւ ուղեւորութիւններ»[2]:
2016 կը հրատարակուած է Գամպուրեանի թարգմանութեան կարեւոր աշխատութիւնը։ Շնորհիւ իրեն այսօր կայ Պրունօ Ֆրանքի «Սէրվանդէս» անուն գիրքը արեւմտահայերէնով[3]։
Պարգեւներ Խմբագրել
- 13 Յունուար 2013-ին արժանացած է Մաղաքիա Պատրիարք Օրմանեանի անուան արծաթեայ շքանշանին[4]։
Ծանօթագրութիւններ Խմբագրել
- ↑ ««Անվերջակէտ Զրոյց` Մեր Գրականութեան Երախտաւորներուն Հետ» (Հեղինակ` Մաքրուհի Պ. Յակոբեան) - Aztag Daily» (en-US)։ արտագրուած է՝ 2020-07-31
- ↑ «Bibliothèque de l'Église apostolique arménienne - Paris - Գամպուրեան , Արամ»։ www.bibliotheque-eglise-armenienne.fr։ արտագրուած է՝ 2020-07-31
- ↑ «Թրքահայ Ուսուցչաց Հիմնարկ»։ www.teaov.org։ արտագրուած է՝ 2020-07-31
- ↑ «ԱՐԱՄ ԳԱՄՊՈՒՐԵԱՆ ՊԱՐԳԵՒԱՏՐՈՒԵՑԱՒ ՊԱՏՐԻԱՐՔԱԿԱՆ ԱԹՈՌՈՅ ԿՈՂՄԷ | Türkiye Ermenileri Patrikliği |»։ www.turkiyeermenileripatrikligi.org։ արտագրուած է՝ 2020-07-31