Գերմանիոյ Ազգային Գրադարան
Գերմանիոյ ազգային գրադարան (գերմաներէն՝ Deutsche Nationalbibliothek կամ DNB), կեդրոնական ատենագրական գրադարան եւ ազգային մատենագիտական կեդրոն Գերմանիոյ Դաշնային Հանրապետութեան մէջ, որուն խնդիրն է հաւաքագրել, մշտապէս արխիւացնել, վաւերագրել եւ արձանագրել 1913-էն ի վեր գերմանական, գերմանալեզու, ինչպէս նաեւ Գերմանիոյ մասին օտարալեզու հրապարակումները, գերմանական ստեղծագործութիւններու թարգմանութիւնները, 1933-1945 թուականներու ընթացքին արտերկրի մէջ գերմանախօս գաղթականներու հրատարակումները եւ ապահովել հանրութեան համար անոնց հասանելիութիւնը[1]:
Գերմանիոյ ազգային գրադարանը կ'ապահովէ համատեղ արտաքին յարաբերութիւններ ազգային եւ միջազգային մակարդակով։ Ան Գերմանիոյ մէջ կը հանդիսանայ մատենագիտական կանոններու եւ չափանիշներու ստեղծման եւ պահպանման առաջատար գործընկեր եւ զգալի դեր ունի միջազգային գրադարանային չափանիշներու մշակման գործին մէջ: Հրատարակիչներու հետ համագործակցութիւնը օրէնքով, «Գերմանական Լայպցիկեան գրադարանի մասին օրէնքով»՝ 1935-էն (գերմաներէն՝ Deutsche Bücherei Leipzig, 1969-էն՝ «Գերմանական Ֆրանքֆուրթեան գրադարանային օրէնքով» (գերմաներէն՝ Deutsche Bibliothek Frankfurt):
Պատմութիւն
Խմբագրել
Գերմանական Քաղքենի Յեղափոխութեան ժամանակ գրավաճառներն ու հրատարակիչները իրենց աշխատանքները առաջարկեցին Ֆրանքֆուրթի խորհրդարանին՝ խորհրդարանական գրադարան ունենալու համար։ Եոհան Հենրիխ Պլաֆի կողմէ ղեկավարուող գրադարանը Reichsbibliothek («Ռեյխ գրադարան») անունը ստացաւ։ Յեղափոխութեան տապալումէն ետք, գրադարանը լքուեցաւ եւ արդէն գոյութիւն ունեցող գիրքերը պահուեցան Նիւրէնպերկի գերմանական ազգային թանգարանին մէջ[2]: 1912-ին Լայպցիգ քաղաքը, որ ամէնամեայ գիրքի տօնավաճառի եւ Börsenverein der Deutschen Buchhändler (Գերմանացի գրավաճառներու ընկերակցութիւն) կեդրոն կը համարուի, համաձայնուեցաւ հիմնելու գերմանական ազգային թանգարան՝ Լայպցիգի մէջ։
Երկրորդ գրադարանի ստեղծում
Խմբագրել.jpg)
1946 թուականին Գէորգ Քուրթ Շաուերը, Հենրիխ Քոպերթը, Վիթորիօ Քլոսթերմանը եւ փրոֆեսոր Հանս Վիլհելմ Էփելշեյմերը, Ֆրանքֆուրթի համալսարանական գրադարանի տնօրէնը, նախաձեռնեցին Ֆրանքֆուրթի մէջ վերստեղծել Գերմանիայի արխիւային գրադարանը։ Ամերիկեան գօտիի գիրքի առեւտուրի ներկայացուցիչները համաձայնեցան առաջարկին, իր համաձայնութիւնը տուաւ նաեւ ԱՄՆ ռազմական իշխանութիւնը։ Գրադարանը իր գործունէութիւնը սկսաւ Ռոթշիլտ գրադարանի ծխասենեակէն, որ ռմբակոծուած համալսարանին համար կը ծառայէր որպէս յարմարաւէտ սենեակ։
Գերմանիոյ մէջ ստեղծուեցաւ երկու գրադարաններ, որոնք կ'իրականացնէին ազգային գրադարանի գործառոյթները։ Իւրաքանչիւր տարի կը հրատարակուէր գրեթէ նոյն բովանդակութեամբ երկու մատենագիտական գրացուցակ[3]։
Պատկերասրահ
Խմբագրել-
Լայպցիգի շէնքը -
Մասնաճիւղ Մայնի Ֆրանքֆուրթի մէջ, 2004, Օգոստոս 31 -
Լայպցիգեան մասնաճիւղի գլխաւոր մուտքը, 2007, հունիս -
Պատկեր գրադարանի կայքի էջերէն
Ծանօթագրութիւններ
Խմբագրել- ↑ Murray Stuart (2009)։ The Library: An Illustrated History։ New York, NY: Skyhorse Pub
- ↑ Fabian Bernhard, խմբգր․ (2003)։ «Reichsbibliothek von 1848»։ Handbuch der historischen Buchbestände in Deutschland։ Hildesheim: Olms Neue Medien
- ↑ (հայերեն) Գերմանիայի ազգային գրադարան, 2024-04-05, https://hy.wikipedia.org/wiki/%D4%B3%D5%A5%D6%80%D5%B4%D5%A1%D5%B6%D5%AB%D5%A1%D5%B5%D5%AB_%D5%A1%D5%A6%D5%A3%D5%A1%D5%B5%D5%AB%D5%B6_%D5%A3%D6%80%D5%A1%D5%A4%D5%A1%D6%80%D5%A1%D5%B6, վերցված է 2024-11-26
Արտաքին յղումներ
Խմբագրել- dnb.de — German National Library(անգլերէն)
- Deutsches Musikarchiv Berlin Archived 2008-11-14 at the Wayback Machine.(գերմ.)
- AG Sammlung Deutscher Drucke Archived 2008-10-18 at the Wayback Machine.(անգլերէն)
- Libraries-Link.net Archived 2019-04-01 at the Wayback Machine. – German Internet portal for libraries
- LibWeb Germany Archived 2013-01-23 at the Wayback Machine. – List of Library Servers in Germany (անգլերէն)