Գուսան Հայկազուն
Գուսան Հայկազուն (20 Ապրիլ 1951, Արտաշատ, Հայաստանի Խորհրդային Ընկերվարական Հանրապետութիւն, Խորհրդային Միութիւն), իսկական անունը Գագիկ Ստեփանի Նազարեան, հայ գուսան, երգահան, երգերու հեղինակ, «Հայկազունք» երաժշտական համոյթի գեղարուեստական ղեկավար, Հայաստանի Հանրապետութեան մշակոյթի վաստակաւոր գործիչ, Արցախեան պատերազմի մասնակից, «Երկրապահ» կամաւորներու միութեան անդամ։
| Գուսան Հայկազուն | |
|---|---|
| Նաեւ յայտնի է իբրեւ | Гусан Айказун |
| Ծնած է | 20 Ապրիլ 1951 (73 տարեկան) |
| Ծննդավայր | Արտաշատ, Հայաստանի Խորհրդային Ընկերվարական Հանրապետութիւն, Խորհրդային Միութիւն |
| Քաղաքացիութիւն |
 Հայաստան |
| Մասնագիտութիւն | երգահան |
Կենսագրութիւն
ԽմբագրելՎաղ տարիներ
ԽմբագրելԳագիկ Ստեփանի Նազարեանը ծնած է 1951 թուականին 20 Ապրիլին Արտաշատ քաղաքին մէջ, Հայկական ԽՍՀ։ Ունէր երեք քոյր։ Արմատները Պարսկահայքի Խոյ քաղաքէն են։ Վաղ հասակին կորսնցուցած է իր հայրը։
Արդէն դպրոցական տարիներուն սկսած է գրել հայրենասիրական եւ սիրային երգեր։ Ըստ գուսանի, Րաֆֆի Յարութիւնեան անունով դասատուի շնորհիւ է նաեւ, որ ան սկսաւ հայրենասիրական երգեր գրել։ Աւարտած է դպրոցը 1967 թուականին, որմէ ետք ընդունուած է Երեւանի շինարարական արուեստի համալսարանը։ Մասնագիտութեամբ շինարար-ճարտարապետ է։
Ըստ գուսանի, իր ստեղծագործութիւնները պայքարի կոչ են եւ այնտեղ «լալու» մոթիւներ չկան:
Իր «Հայկազունք» երաժշտական համոյթին հետ ամէն տարի Հայաստանի աւելի քան 40 դպրոցներուն մէջ համերգներ կու տայ, ինչպէս նաեւ տարին քանի մը անգամ սփիւռքի մէջ։
Արցախեան Շարժում
ԽմբագրելՄասնակցած է արցախեան պատերազմին Արտաշատի «Երկրապահ» ջոկատին Մհեր Սաղաթէլեանի հրամանատարութեան տակ։ Մարտական գործողութիւնները սկսած է Երասխ գիւղէն, եղած է նաեւ Գետաշէն, Կապան, Գորիս, Բերձոր։ Ծանր մարտերուն չէ մասնակցած, քանի որ իր հրամանատարը նախընտրած է, որ գուսանը շարունակէ նոր երգեր գրել։ Շատ երգեր գրած է մարտի դաշտէն։ Ըստ գուսան Հայկազունի, ան մէկ անգամ տեսած է մինիին։ Յետագային, մօտէն յարաբերած է Մելքոնեանի կնոջ՝ Սեդայի հետ եւ կապ ունի անոր ընկեր՝ Ալէք Ենիգոմշեանի հետ։ Առաջին օրերուն միանալով Արցախեան շարժման, մէկ շաբթուայ ընթացքին գրած է իր առաջին՝ «Հայեր, միացէ՛ք» երգը։ Առաջին անգամ կատարած է զայն 17 Մայիս 1988 թուականին։
Երգեր
ԽմբագրելԳրած է եւ կատարած է աւելի քան հարիւր երգ, որոնցմէ աւելի քան 10 երգ ՀՀ Պաշտպանութեան Նախարարութիւնը ընդունած է որպէս բանակային քայլերգ
Ընտանիք
ԽմբագրելՀայրը՝ Ստեփան Նազարեան։ Ունի երեք քոյր, երեք որդի (որոնցմէ Սիփան Նազարեանը՝ Սիփան Հայկազունը, երգիչ է) եւ մեկ դուստր։
Պարգեւներ
Խմբագրել- Հայաստանի Հանրապետության մշակոյթի վաստակաւոր գործիչ
- ՀՀ Սփիւռքի նախարարութեան Ոսկի մետալ եւ շնորհակալագիր
Հետաքրքիր փաստեր
Խմբագրել- «Պիտի գնանք» երգը (1989) գուսան Հայկազունի ամէնասիրածն է իր երգերէն։
- Գուսանը ծանօթ չէ նոթաներուն, չունի երաժշտական կրթութիւն, չի նուագեր որեւէ երաժշտական գործիք:
Արտաքին յղումներ
Խմբագրել- Գուսան Հայկազունի անձնական էջը Ֆեյսպուքի մէջ
- «Արա՛, Գագո՞ն ով է…այդ մեր պապերի երգն է…»
- «Սելը չի ճռռում, սելվորն է ճռռում». Գուսան Հայկազունի մեկնաբանութիւնը Սահակ Սահակեանի հետ հարցազրոյցի վերաբերեալ