Ժպտա՛ (երգ, Չարլի Չափլին)

Ժպտա՛ (Smile)․ երգ, հիմնուած գործիքային բներգի մը հիման վրայ։  Յօրինած է Չարլի Չափլին «Մոտըրն Թայմզ» Modern Times ժապաւէնին նուագակցութեան համար (1936)։  

Երգին մասին

Չափլին յօրինած է ազդուելով Ճիաքոմօ Փուչինիի «Թոսքա» օփերայէն։ Երգին բառերն ու վերնագիրը գրած են Ճոն Թըրնըր եւ Ճեֆրի Փարսոնս (1954)։ Երգին բառերը կ'ոգեւորեն եւ կը յուսադրեն, թէ փայլուն ապագայ կայ՝ մինչեւ այն ատեն, որ կը ժպտանք։

«Ժպտա՛»ն, առաջին օրերէն իսկ ժողովուրդին սիրելի կը դառնայ եւ կը ձայնագրուի բազմաթիւ արուեստագէտներու կողմէ։  Ճիմի Տուրանթէ (Jimmy Durante) եւս կը ձայնագրէ երգը, ներառելով իր «Jackie Barnett Presents Hello Young Lovers» ձայնապնակին մէջ։ Անոր տարբերակը կը գործածուի «Ճոքըր» Joker ժապաւէնին նուագակցութեամբ․ գլխաւոր դերակատարներն են՝ Եոաքիմ Ֆենիքս (Joaquin Phoenix) եւ Ռոպըրթ Տը Նիրօ։

Ճիւտի Կարլանտ (Judy Garland ) երգչուհին ալ, «The Ed Sullivan Show»ին ընթացքին (1963) երգած է «Ժպտա՛» երգին մէկ այլ տարբերակը։

«Ժպտա՛»ն նաեւ ներառուած է Չարլի Չափլինին կենսագրական ժապաւէնին մէջ (1992)։

Առաջին մեկնաբանութիւն

Նաթ Քինկ Քոլ «Ժպտա՛» երգին առաջին մեկնաբանողը կը հանդիսանայ (1954)։ Սամի Տէյվիսն ալ՝ երգը իբրեւ յիշատակի տուրք, կը ներառնէ «The Nat King Cole Songbook» ձայնապնակին մէջ (1965)։

Մայքլ Ճեքսըն կ'երգէ «Ժպտա՛»ն

Մայքլ Ճեքսըն յաճախ յայտնած է, թէ «Ժպտա՛»ն իր նախասիրած երգն է։ Ան իր «History World Tour» շրջապտոյտին ընթացքին, կը մեկնաբանէ «Ժպտա՛»ն, յարգելով Տաիանա իշխանուհիին յիշատակը։ Իսկ Մայքըլին յուղարկաւորութեան ընթացքին, անոր եղբայրները կը մեկնաբանեն երգին մէկ այլ տարբերակը։

«Ժպտա՛»ն երգողները

«Ժպտա՛»ն երգած են նաեւ բազմաթիւ հանրածանօթ երգիչներ, ինչպէս՝ Թոնի Պենեթ (Tony Bennett), Պարպարա Սթրէյսընտ, Սելին Տիոն, Փերի Քոմօ (Perry Como), Սթիւ Ուոնտըր (Stevie Wonder), Էրիք Քլափթոն (Eric Clapton), Փեթուլա Քլարք (Petula Clark), Նաթալի Քոլ (Natalie Cole), Էլվիս Քոսթելօ (Elvis Costello), Տը Փլետլերս (The Peddlers), Տեմիս Րուսոս, Նիլ Սետաքա (Neil Sedaka) եւ այլն։

Արտաքին յղումներ

1. Smile (Charles Chaplin) Original – «Ժպտիր», բներգ
2. Nat King Cole – Smile. «Ժպտիր»
3. Sammy sings Smile, Սամի Տէյվիս կ՛երգէ «Ժպտիր»ը
4. Չարլի Չափլին(անգլերէն)
5. Նաթ Քինկ Քոլ(անգլերէն)
6. Ճիաքոմօ Փուչինի(անգլերէն)
7. «Թոսքա» օփերա(անգլերէն)