Հարրի Բէգեան
Հարրի Բէգեան (24 Ապրիլ 1921 - 26 Յուլիս 2010[1]), ամերիկահայ երաժշտագէտ, երգահան եւ խմբավար։
| Հարրի Բէգեան | |
|---|---|
| Ծնած է | 24 Ապրիլ 1921 |
| Մահացած է | 26 Յուլիս 2010[1] (89 տարեկանին) |
| Քաղաքացիութիւն |
 Ամերիկայի Միացեալ Նահանգներ |
| Ուսումնավայր | Միշիկընի Համալսարան, |
| Մասնագիտութիւն | խմբավար, երաժշտութեան ուսուցիչ, երաժշտական ղեկավար |
Կենսագրութիւն
ԽմբագրելԾնած է Միշիկընի նահանգի Փոնթիաք քաղաքը: Ծնողները Հայոց ցեղասպանութիւնէն վերապրողներ եղած են, որոնք 1915 թուականին, բազմաթիւ ընտանիքներու նման, թուրքական եաթաղանէն ճողոպրելով` կայք հաստատած են հայրենիքէն հեռու:
Ուսուցչի քաջալերանքով պատանի Հարրին դպրոցական տարիներուն ծանօթացած ու սիրած է փողային գործիքներէն քորնեթը եւ յետագային մասնագիտանալով երգահանման ու խմբավարման բնագաւառուն մէջ` իր յօրինած սիմֆոնիք ստեղծագործութիւններուն մէջ յատուկ տեղ գտած են փողային գործիքներով համերգային ելոյթները:
Հարրի Բէգեանը իր բարձրագոյն կրթութիւնը ստացած է Միշիկընի համալսարանը` արժանանալով դոկտորայի կոչումին: «Gomidas Vartabed: His life and importance to Armenian music» խորագրով իր դոկտորական արժէքաւոր ատենախօսութիւնը նուիրուած է Կոմիտաս վարդապետի կեանքին ու գործունէութեան, որ 1964 թուականին հրատարակուած է Միշիկընի համալսարանի երաժշտագիտական բաժինի կողմէն[2]:
Հրատարակած է բազմաթիւ յօդուածներ, հարցազրոյցներ ու ելոյթներ ունեցած է նուագախմբային փորձերու վերլուծութեան ու խմբավարման գործելաձեւերու մասին: Անոր խմբավարած ու մշակած աւելի քան 65 նուագախմբային յօրինումներու ձայնագրութիւնները` որպէս ամերիկեան երաժշտութեան գանձեր, կը պահպանուին Միացեալ Նահանգներու Քոնկրեսի գրադարանին մէջ:
Ծանօթագրութիւններ
Խմբագրել- ↑ 1,0 1,1 1,2 SNAC — 2010.
- ↑ «Ի Մեծարումն. Ամերիկահայ Երաժշտագէտ, Երգահան Դոկտ. Հարրի Բէգեանի – Aztag Daily – Ազդակ Օրաթերթ (Armenian Daily Newspaper based in Lebanon)»։ www.aztagdaily.com։ արտագրուած է՝ 2024-08-07