Ձայն (թերթ)

«Ձայն», քաղաքական, հասարակական եւ տնտեսական շաբաթաթերթ։ Հանդիսացած է Հայ բանուորական կազմակերպութեան (սպեցիֆիկներու) օրգանը։ Լոյս տեսած է 1906-1907 թուականներուն, Թիֆլիսի մէջ։ Խմբագիր՝ Տ. Իսախանեան։

Հակադրուելով պոլշեւիկներուն՝ գովազդած է բանուոր դասակարգի տարանջատում՝ ըստ ազգային պատկանելութեան։ Թերթը իւրովի ներկայացուցած է Հարաւային Կովկասի մշակութային կեանքը, աշխատաւորութեան կենցաղը, ծանօթացուցած կրթական գործի դրուածքին։

Տպագրած է նաեւ գեղարուեստական գործեր, թարգմանութիւններ։ «Ձայն» շաբաթաթերթին նախորդած է «Կեանք» (1906 թուականին, Թիֆլիսի) շաբաթաթերթը։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։