Միս

Միս, կենդանիի սպանդէն ստացուած ելունք, կ'օգտագործուի որպէս սնունդ։
Այն կենդանական ծագման լիարժէք սպիտակուցներու աղբիւր է, որ անհրաժեշտ է մարդու օրգանիզմի հիւսուածքներու կառուցման, նիւթերու սինթեզի եւ փոխանակման համար։ Կը հանդիսանայ նաեւ ֆոսֆորի աղբիւր։ Կը մասնակցի նյարդային հիւսուածքների, ճարպերու, B - խումբի սննդանիւթերու, միկրոտարրերու ֆիզիոլոգիական ֆունկցիաներուն մէջ։

Մսեղենի բազմազան տեսականի

Խոզու միս

Նատիւրմորթ, Կլոդ Մոնե (1864).

Հայաստանի մէջ, 2002թ.-ի տուեալներով իւրաքանչիւր շունչի հաշուով սահմանուած միսի սպառման տարեկան ֆիզիոլոգիական նորման 75քկ է, այդ թիւին մէջ՝ տաւարամսիը՝ 20.3, խոզու եւ թռչունի միսը՝ 15-ական, ոչխարինը՝ 7.5, երշիկեղենինը եւ ապխտած ապրանքներինը՝ 13.5 եւ ենթամթերքներինը՝ 3.7 քկ։

Միսը օժտուած է բարձր մարսելիութեամբ, հեշտ կ'ենթարկուի խոհարարական մշակման։ Միսէն կարելի է պատրաստել սնունդի բազմազանութիւն ապահովող շատ ճաշատեսակներ։ Սակայն մսեղենի չափէն աւելի օգտագործումը կրնայ հիպերտոնիկ հիւանդութիւններու զարգացման նախապայման հանդիսանալ։ Միսի բիոգենային ամինները կը զորացնեն արիւնատար անոթներու տոնուսը՝ բարձրացնելով երակային ճնշումը։ Միսի մէջ պարունակուող նուկլիեինաթթուները կրնան նպաստել մեծահասակ մարդկանց օրգանիզմին մէջ, հոդատապ հիւանդութեան զարգացման, ուստի նպատակահարմար է զայն փոխարինել կաթնեղէնով եւ ձկնեղէնով։

Սպանդի ենթարկուած կենդանիի տեսակէն կախուած՝ ստացող միսը կրնայ ըլլալ տաւարի, ոչխարի, խոզու, այծի, ձիու, ուղտի, եղնիկի, գոմեշի, ճագարի եւ այլն։

Միսի Քիմիական Բաղադրութիւնը 110 Կրամին Մէջ

Տեսակը	Կալորիաներ	Սպիտակուցներ	Ածխաջրեր	Ճարպեր
Ձկնեղէն	110–140	20–25 կ	0 կ	1–5 կ
Հաւու կրծքամիս	160	28 կ	0 կ	7 կ
Ոչխարի միս	250	30 կ	0 կ	14 կ
Տաւարի փափկամիս	210	36 կ	0 կ	7 կ
Տաւարի ոսկրամիս	450	25 կ	0 կ	35 կ

Արտաքին յղումներ

• Ամերիկեան մսագիտութեան ասոցացիայի պաշտօնական կայքը
• Միսը երեխայի սննդակարգին մէջ