Պլետ լիճ

Պլետ
Լիճ
	Պլետ
	Blejsko jezero
	Պլետ լիճ
Երկիր	Սլովենիա
Տարածութիւն	1,45 քմ²
ԲԾՄ	475 մ

Պլետ լիճ (սլովեներէն՝ Blejsko jezero‎‎, գերմ․՝ Veldeser See), Յուլիան Ալպեան լեռներու լիճ․ կը գտնուի հիւսիս-արեւմտեան Սլովենիա, Պլետ համանուն քաղաքին կից։ Հանրածանօթ է իր ջուրերուն մէջ գտնուող կղզիին ու անոր վրայ գտնուող ամրոցին համար։ Սլովենիոյ զբօսաշրջիկութեան կեդրոններէն մէկն է եւ Լիուպլիանա մայրաքաղաքէն 55 քլ հեռու է։

Տեղեկութիւններ

Պլետ լիճ․ ծովափ

Լիճին երկարութիւնը 2․120 մ․ է եւ լայնքը 1․380 մ․։ Ամենէն խորունկ մասը 29,5 մ․ է։ Պլետ ունի պզտիկ կղզի մը եւ շրջապատուած է լեռներով եւ անտառներով։

Պղինձեայ ժամանակաշրջանին պաշտամունքի վայր եղած է։ Լիճի ափերուն յայտնաբերուած են Ք․Ա․ 13րդ - Ք․Ա․ 12րդ դարաշրջանին պատկանող ոսկեայ գոհարեղէններ։ Նոյնանման գոհարեղէններ յայտնաբերուած են Զուիցերիա, Պաւարիա եւ Հունգարիա։

Թիավարութեան Համաշխարհային Ախոյանութիւնը Պլետ լիճին մէջ տեղի ունեցած է 1966, 1979, 1989 եւ 2011 թուականներուն։

Պլետ լիճը աշնան․ նկար՝ Հոկտեմբեր 2021

Ք․Ա․ 13րդ - Ք․Ա․ 12րդ դարաշրջանին պատկանող ոսկեայ գոհարեղէններ

Դարերէ ի վեր, եւրոպացիները կը զբօսնեն լիճին ափերուն ու կ՛այցելեն անոր բերդը։ Հռոմէական «Սրբազան Կայսրութեան» կառավարիչ Հենրիկ Բ․ (գերմ․՝ Heinrich II, իտալ․՝ Enrico II) այդքան շատ վայելած է լիճը, որ 1004-ին անոր ափերուն կը կառուցէ Պլետ բերդը զոր որպէս արքունիք կը յանձնէ։

Լիճ Պլետ․ արեւածագ

Պլետ կղզի

Պլետ կղզին ունի բաւական շէնքեր, որոնցմէ գլխաւորը Սուրբ Աստուածամայրին նուիրուած եկեղեցին է (վերանորոգուած ԺԸ․ դարուն)։

^[1] ^[2] ^[3] ^[4] ^[5] ^[6] ^[7]

Ծանօթագրութիւններ

[1] Ք․Ա․ 13րդ - Ք․Ա․ 12րդ դարաշրջանին պատկանող երկու ոսկեայ գոհարեղէններ(անգլերէն)

[2] Պլետ լիճին բերդը(անգլերէն)

[3] 1966 Թիավարութեան Համաշխարհային Ախոյանութիւն(անգլերէն)

[4] 1979 Թիավարութեան Համաշխարհային Ախոյանութիւն(անգլերէն)

[5] 2011 Թիավարութեան Համաշխարհային Ախոյանութիւն(անգլերէն)

[6] Ճամբորդութիւն Սլովենիոյ Պլետ բերդը(անգլերէն)

[7] Պլետ կղզի․ պաշտօնական կայքէջ(անգլերէն)

[1]

[2]

[3]

[4]

[5]

[6]

[7]