Պսակ (թերթ)

«Պսակ», գրական, քաղաքական, պատմական եւ մանկավարժական շաբաթաթերթ։

Պատմութիւն

Երեւանի մէջ հրատարակուած առաջին թերթը եղած է «Պսակ»ը, որուն առաջին թիւը լոյս տեսած է 15 Մարտ 1880-ին: Թերթին հրատարակութիւնը որոշ ընդմիջումներով շարունակուած է մինչեւ 7 Ապրիլ 1884:

Թերթին հրատարակիչ-խմբագիրը եղած է Վասակ Բաբաջանեան։

Բովանդակութիւն

«Պսակ»ի մէջ խիստ քննադատութիւններ եղած են քաղաքապետին եւ պատկան իշխանութեանց հասցէին` քաղաքը կառավարելու իրենց անճարակութեան պատճառով: Տեղ գտած են նաեւ պատմաբանասիրական յօդուածներ, գիտական զանազան տեղեկութիւններ, տոմսեր, գրախօսականներ:

«Պսակ»ի հրատարակութիւնը դադրած է, երբ 1884-ի վերջերը խմբագիրը եւ ուրիշ մտաւորականներ աքսորուած են քաղաքէն: