Ռազան ալ Նաճար
Ռազան Ապտուլ Քատիր ալ-Նաճար (Razan Ashraf Abdul Qadir al-Najjar, 1997[3] – 1 Յունիս 2018), պաղեստինցի բուժքոյր, ով սպանուած է Իսրայէլի պաշտպանութեան բանակի կողմէն 2018-ին Ղազայի սահմանի ցոյցերու ընթացքին կամաւոր աշխատանքի ժամանակ: Իսրայէլցի զինուորը մահացու կրակած է անոր կրծքավանդակին, երբ ան ձեռքերը վեր բարձրացուցած է՝ ցոյց տալու, որ զինուած չէ[4] եւ կը փորձէ օգնութեան հասնիլ Իսրայէլի սահմանին մօտ Ղազայի հատուածին մէջ գտնուող վիրաւորներուն[5]:[5]: Իսրայէլ սկիզբը հերքեց Ռազան ալ Նաճարի ուղղակի թիրախ եղած ըլլալը եւ մինչեւ այսօր չէ հրաժարած պաշտպանելէ այն փաստարկը, որ ան զոհուած է անուղղակի կրակոցէ[6]: Իսրայէլի մէջ տեղակայուած B'Tselem իրաւապաշտպան խումբը կը նշէ, որ Ալ-Նաճար սպանուած է միտումնաւոր կերպով[7]:
| Ռազան ալ Նաճար արաբ․՝ رزان النجار արաբերէն՝ روزان النجار | |
|---|---|
 | |
| Ծննդեան անուն | արաբերէն՝ روزان أشرف عبد القادر النجار[1] |
| Ծնած է | 1997 |
| Ծննդավայր | Խան Յունիս, Գազայի հատված, Պաղեստին |
| Մահացած է | 1 Յունիս 2018[2] (20 տարեկանին) |
| Մահուան վայր | Ղազայի հատուած, Պաղեստին |
| Քաղաքացիութիւն | Պաղեստին |
| Մայրենի լեզու | Արաբերէն |
| Կրօնք | սուննի իսլամ |
| Մասնագիտութիւն | բուժքոյր եւ իրաւապաշտպան |
| Անդամութիւն | Q123375314? |
Ռազան ալ Նաճար ծնած է 1997-ին Աշրաֆ ալ-Նաճարի (ծն. 1974): Եղած է ընտանիքի 6 երեխաներէն առաջինը: Բնակած է Իսրայէլի սահմանին մօտ գտնուող պաղեստինեան Քուզա գիւղը[8]:
Իսրայէլի պաշտպանութեան ուժերը հրապարակած են տեսանիւթ, ուր ան համաձայնած է մասնակցելու բողոքի հաւաքներուն որպէս կենդանի վահան, ենթադրաբար, Համասի պահանջով[9][10]: Յետագային պարզուած է, որ տեսանիւթը լիբանանեան հեռուստաընկերութեան հետ հարցազրոյցէ հատուած մըն է, իսկ IDF բնագիրէն դուրս խմբագրած է ալ-Նաճարի մեկնաբանութիւնը՝ մոլորութիւն առաջացնելու համար[9]: Իրական, չխմբագրուած տեսանիւթին մէջ ան Համասի մասին ոչ մէկ նշում կատարած է եւ կամ ինքնզինք անուանած՝ «փրկարար կենդանի վահան պաշտպանելու եւ փրկելու առաջնաճակատի վիրաւորներուն»: IDF-ը լայնօրէն քննադատութեան ենթարկուած է տեսանիւթին կեղծման համար[9][10]:[9][10]:
Վկաներու ցուցմունքներու համաձայն, ալ-Նաճարի վրայ կրակ բացած են, երբ միւս բժիշկներու հետ միասին ձեռքերը վեր բարձրացուցած սպիտակ շապիկներով քալելով մօտեցելած է սահմանի պարիսպին՝ վիրաւոր ցուցարարին բուժելու համար[10]:
Վաղ կեանք
ԽմբագրելՆաճարի հայրը Իսրայէլի մէջ աշխատած է մետաղի գործարանի մէջ, մինչեւ սահմանափակումներու ու պատժամիջոցներու գործադրութեան պատճառով պաղեստինցիներուն արգիլուեցաւ դէպի սահման ճամբփորդել: Այնուհետեւ ան աշխատած է որպէս հեծանիւի արհեստաւոր, սակայն դստեր մահուան ժամանակ գործազուրկ էր։ Ընտանիքը կ՛ապրի Քուզայի մէջ հարազատներու կողմէ տրամադրուած բնակարանի մը մէջ՝ սահմանի վրայ տեղակայուած իսրայէլական զինուորներու տեսադաշտին մէջ։ Անոնց տարածքը տարանջատուած է 4 մեթր բարձրութեամբ պեթոնէ պատով՝ պաղեստինցի բնակիչները իսրայէլական կրակոցներէն պաշտպանելու համար[11]:
Ութ անդամներէ բաղկացած ընտանիքին մէջ մեծնալով՝ ալ-Նաճարը ականատես եղած է երեք պատերազմներու՝ 2008-2009 թթ. Ղազայի պատերազմ, Ամպամած Սիւն ռազմական գործողութիւն, երբ ան 16 տարեկան էր եւ 7 շաբաթեայ Անխորտակելի ժայռ պատերազմական գործողութիւնը[11]: Չկարողանալով համալսարանական կրթութիւն ստանալ, սորված է վայելչագրութիւն, ինչպէս նաեւ հետեւած է բուժքոյրական դասընթացքներու[11]:
Ծանօթագրութիւններ
Խմբագրել- ↑ (unspecified title)
- ↑ https://pantheon.world/profile/person/Rouzan_al-Najjar
- ↑ «من هي الممرضة الشهيدة رزان النجار؟»։ արխիւացուած է բնօրինակէն-էն՝ 2018-07-28-ին։ արտագրուած է՝ 2018-10-30
- ↑ Khoury, Jack; Kubovich, Yaniv (2 June 2018). 'Authorities in Gaza: Slain Medic's Teams' Hands Were Raised as They Approached Israeli Border,' Haaretz. Retrieved 14 June 2018.
- ↑ «Protests resume after Palestinian paramedic's Gaza funeral»։ NBC News
- ↑ Ahronheim Anna (5 June 2018)։ «IDF says no direct fire was aimed at Gazan nurse killed Friday»։ The Jerusalem Post | JPost.com
- ↑ Israeli forces 'deliberately killed' Palestinian paramedic Razan
- ↑ Abunimah Ali (2018-06-02)։ «Gaza medic killed by Israel as she rescued injured»։ The Electronic Intifada
- ↑ 9,0 9,1 9,2 McKernan Bethan (8 June 2018)։ «Israeli army edits video of Palestinian medic its troops shot dead to misleadingly show she was 'human shield for Hamas'»։ The Independent
- ↑ 10,0 10,1 10,2 Mackey Robert (8 June 2018)։ «Israel Attempts to Smear Razan al-Najjar, Palestinian Medic It Killed, Calling Her “No Angel”»։ The Intercept
- ↑ 11,0 11,1 11,2 Mother of shot Gaza medic: ‘She thought the white coat would protect her’