Ռայտեն` Ամպրոպի աստուածը

Ռայտեն, Ամպրոպի ճափոնական աստուածը, որ կը տիրապետէ կայծակին վրայ^[1]։

Նկարագրութիւն

Ռայտենի կերպարին շուրջ կը նկատուին դարձող պզտիկ թմբուկներ: Այս ձեւով է, որ ճանչցուած է Ռայտենը: Երբ ան իր թմբուկներուն կը զարնէ, որոտումին ձայները կ'արձագանգեն եւ կայծակները կը փայլատակեն^[2]:

Ռայտեն յաճախ կը յայտնուի իր երկուորեակ եղբօր` Ֆուժինի հետ, որ հովու աստուածն է, սակայն միաժամանակ` Ռայտենի ամէնէն ոխերիմ թշնամին: Ֆուժին ունի կարմիր մազեր եւ մարմինը ծածկուած է ընձառիւծի մորթով:

Ռայտենի կ'ընկերակցի նաեւ փոքրիկ անասուն մը` Ռայժու, որ կրնայ տարբեր կերպարանքներ ստանալ` թռչող կրակէ գնդակ մը, կատու, կապիկ^[3]:

Անուանում

Անոր անունը կազմուած է «Ռայ»է, որ ճափոներէն կը նշանակէ որոտ, եւ «տեն»է, որ կը նշանակէ կայծակ: Զայն կ'անուանեն նաեւ Ռայ-ժին. «ժին», այսինքն` աստուած:

Ծանօթագրութիւններ

[1] Ամպրոպի աստուածը

[2] Ռայտեն

[3] Առասպելներու աշխարհ

[1]

[2]

[3]