Սիսըլ Պանդոկ (Լոս Անճելոս)
Սիսըլ Պանդոկը (այժմ վերանուանուած իբրեւ Stay on Main) Լոս Անճելըսի մէջ (թաղ՝ 640 S. Main Street, CA 90014) պանդոկ մըն է, որ ունի 600 հիւրընկալող սենեակներ (առաջ 700): Շինուած 1924-ին[1], պանդոկը մասնաւորապէս կ'ընդունէր ճամբորդ առեւտրականները, սակայն 1950էն ետք ստացաւ հռչակը եւ դարձաւ բոլորին ընկալող պանդոկ մը: Մաս մը պանդոկէն վերանորոգուած է 2007-ին երբ նոր տէրեր գնեցին կալուածը:
Պանդոկը այժմ ճանչցուած է իր տասնեակ անձնասպանական պարագաներով եւ շատ մը ոճրագործութիւններով, ինչպէս 3 հատ սպաննութիւններ[2]: Ամէնէ շատ համբաւ ունի, որովհետեւ յատկապէս ապաստանն էր մարդասպաններ Ռիչըրտ Ռամիրէզի (1985-ին) եւ Ճէք Անլըրուեկըրի (1991-ին)[2][3]:
2013-ի Փետրուարին, մերկ[4] մարմինը Էլայզա Լէմի, 21 տարեկան Քանատացի աշակերտուհի մը, գտնուած էր պանդոկի ջուրի ամբարներէն մէկուն մէջ։ Լէմ անհետացաւ 31 Յունուարին, մինչ իր փճացած մարմինը գտնուեցաւ 19 Փետրուարին պանդոկի գործաւորներէն մէկուն կողմէ երբ հիւրերէն մէկը գանգատեցաւ ջուրի հոսանքի ուժին մասին եւ աւելցուց թէ «ջուրը տարբեր համ մը ունի»[5][6]: Ոստիկանութիւնը յետոյ յայտարարեց, թէ Լէմի մահը արկած մըն էր, եւ ոչ ուրիշ բան: Սակայն վիտէոյի արձանագրուած արարգ մը կայ պանդոկին վերելակին մէջէն, որուն մէջ կը տեսնուի Լէմի տարօրինակ ձեւեր ընելը, վերելակի բոլոր կոճակներուն կոխելը, վերելակին անկիւնը պահուըտիլն ու ձեռքերու տարբեր եւ լայն շարժումները, հանրութեան կարծիքը փոխելով իր «արկածի» պատճառին ճիշդ ինչ ըլլալը[7]: Այդ վիտէոն երբ թողարկուեցաւ հանրութեան առջեւ, շատեր սկսան հաւատալ թէ ուրուականներ գոյութիւն ունին, ուրիշներ արտայայտուեցան ըսելով, թէ Լէմի ոգին գրաւուած էր սատանաներով: Լէմը կը կարծուէր, թէ երկբեւերային հիւանդութիւնը ունէր, ինչ որ կը բաձատրէր վերելակին եւ ջուրի ամբարին մէջի պատահած բաները[8]:
2011-ին պանդոկը վերանուանուեցաւ իբրեւ "Stay on Main", եւ նոր կայքէջ մը, stayonmain.com, ստեղծուեցաւ: Հին կայքէջը thececilhotel.com շարունակեց համացանցին վրայ գոյութիւնը պահել մինչեւ 2013[9]:
Ուրուականներու գոյութիւնները փաստող շատ մը առարքներ արձանագրուած են այդ պանդոկին մէջ, այնքան մը որ, 2015-ին Ամերիկեան Սարսափի Պատմութիւն՝ Պանդոկը (American Horror Story: Hotel) հեռուստատեսային հաղորդաշարը հիմնուած էր այս պանդոկին պատմութիւններուն վրայ:[10]
Ծանօթագրութիւններ
Խմբագրել- ↑ «Body found in LA hotel water tank may be missing Canadian tourist»։ Yahoo! News։ 20 February 2013։ արտագրուած է՝ 22 February 2013
- ↑ 2,0 2,1 Duke Alan (22 February 2013)։ «Hotel with corpse in water tank has notorious past»։ CNN։ արտագրուած է՝ 22 February 2013
- ↑ Hamilton Denise (2007-12-10)։ «Serial Killer Central - Native Intelligence»։ Laobserved.com։ արտագրուած է՝ 2014-05-15
- ↑ «Body Found Inside Water Tank Atop Hotel Identified As Missing Canadian Tourist»։ CBS Los Angeles։ February 19, 2013։ արտագրուած է՝ November 17, 2014
- ↑ «'We thought the water tasted funny': Los Angeles hotel guests drank and bathed in water from tank where dead Canadian tourist decomposed for two weeks»։ Daily Mail UK։ February 20, 2013
- ↑ Melissa Pamer and Lolita Lopez (20 February 2013)։ «Body Found in Water Tank at Hotel is Missing Canadian Tourist: LAPD»։ NBC 4 Southern California
- ↑ William M. Welch (2013-06-21)։ «Elisa Lam's death ruled accidental»։ USA Today
- ↑ Nair Drishya (June 21, 2013)։ «Elisa Lam Death: Canadian Tourist's death an accident, rules LA coroner's office»։ International Business Times
- ↑ Wallace-King Donna (October 29, 2014)։ «True tales of terror to keep you up at night»։ KSLA News։ արխիւացուած է բնօրինակէն-էն՝ November 11, 2014-ին։ արտագրուած է՝ November 17, 2014
- ↑ http://la.curbed.com/archives/2015/10/cecil_hotel_american_horror_story.php