Սուրէն Պայրամեան

Սուրէն Պայրամեան (10 Մարտ 1943(1943-03-10), Գահիրէ, Եգիպտոս), հայ բժիշկ, խմբագիր, մատենագէտ եւ ազգային-հասարակական գործիչ։

Սուրէն Պայրամեան
Ծնած է	10 Մարտ 1943(1943-03-10) (81 տարեկան)
Ծննդավայր	Գահիրէ, Եգիպտոս
Ուսումնավայր	Գահիրէի Համալսարան Գալուստեան Ազգային Վարճարան
Մասնագիտութիւն	Խմբագիր, մատենագիր, բժիշկ

Կեանք եւ գործունէութիւն

1955 թուականին աuարտած է Գահիրէի Գալուստեան ազգային, 1960-ին՝ Մարոնիտներու երկրորդական վարժարանները, 1965 թուականին՝ Գահիրէի համալսարանը։

1975 թուականէն՝ ազգային երեսփոխան, Գահիրէի Պատկառելի թեմական ժողովի անդամ-ատենադպիր, 2011 թուականէն՝ «Յուսաբեր» մշակութային ընկերակցութեան ատենապետ։

1982–1987 թուականներուն՝ «Յուսաբեր» օրաթերթի խմբագիր։

Բժշկական եւ գիտական յօդուածներ կը տպագրէ եգիպտահայ եւ Սփիւռքի այլ պարբերականներու մէջ։

Աշխատութիւններ

Լոյս տեսած են( Պայրամեան)ի՝

• «Հայ մամուլը Եգիպտոսի մէջ» (հայերէն՝ 2005 թուական, արաբերէն՝ 2013), որուն  մէջ ներառուած է 1865-2005 թուականներու մատենագիտական ցանկը` 61 տպարաններու մէջ տպագրուած 169 անուն թերթ,
• «Հայ գիրքը Եգիպտոսի մէջ. 1888–2011» (2012, Գահիրէ) մատենագիտական աշխատութիւնները,
• «Հայկական գաղութային կառոյցները Եգիպտոսի մէջ» աշխատութիւնը 2017:

Մրցանակներ

• Հայ եկեղեցու «Սուրբ Սահակ-Սուրբ Մեսրոպ» շքանշան (1999 թուական),
• ՀՄԸՄ կեդրոնական վարչութեան «Արտակարգ» շքանշան (1999),
• Մեծի Տանն Կիլիկիոյ կաթողիկոսութեան «Սուրբ Մեսրոպ Մաշտոց» շքանշան (2012),
• ՀԱԳ-ի «Յակոբ Մեղապարտ» յուշամետալ (2010),
• Մատենադարանի «Սուրբ Մեսրոպ Մաշտոց» յուշամետալ (2010)։

Աղբիւրներ

• «Հայ գրատպություն և գրքարվեստ» հանրագիտարան, էջ 192 եւ 782։