Այս [[ֆիլմ]]ը [[Հայոց Ցեղասպանութիւն|հայկական Ցեղասպանութեան]] մասին է։
[[1915]] թուականին [[Մարտին]]ի մէջ կը սկսին դէպքերը:դէպքերը։ Գիշեր մը [[Օսմանեան կայսրութիւն|օսմանեան]] զինուորներ քաղաքի բոլոր հայ այրերը կը հաւաքեն ու անոնց հետ միասին իր ընտանիքէն կը փրցնեն նաեւ դարբին Նազարէթ Մանուկեան անունով գլխաւոր հերոսը, որուն ոդիսականը կը սկսի գաղթի ճամբուն վրայ:վրայ։ Նազարէթ երկուորեակ երկու աղջիկներու` Արսինէի ու Լուսինէի, հայրն էր. կինը` Ռաքէլ ու աղջիկները, ամբողջ ընտանիքին հետ միասին կը քշուին դէպի [[Տէր Զօր]]ի անապատը, հազարաւոր տեղահանուածներու հետ միասին:միասին։ Ժապաւէնին առաջին հատուածը շատ ազդու տեսարաններ ունի. գլխաւոր հերոսին անոր հետ միասին ձերբակալուած մարտինցիներու տառապալից օրերու ծանր ապրումները, սպանութեան դրուագը, երբ իր բոլոր ընկերները վայրագօրէն կը գլխատուին, սակայն իր ոճրագործին ձեռքը չ՛երթար սպաննելու զինք:զինք։ Նազարէթ Մանուկեան ծանրօրէն կը վիրաւորուի, բայց կը փրկուի իր դահիճին` Մեհմետի կողմէ, որ մարդասիրական մօտեցումով զինք կը հանէ այդ վայրէն:վայրէն։ Մանուկեանին ձայնալարերը կը վնասուին ու այլեւս չի կրնար խօսիլ, բայց ան ապրելու եւ ընտանիքը գտնելու մեծ վճռակամութեամբ կը բռնէ տարագրութեան ու որոնումի ճամբան։<ref>[http://www.aztagdaily.com/archives/217550 Ֆիլմի համառօտ նկարագրութիւն]</ref><ref>{{cite news|title=Fatih Akin’s Film on 1915 to Premiere at Venice Film Festival|url=http://www.armenianweekly.com/2014/07/24/genocide-film/|publisher=Armenian Weekly|date=2014 թուականի Յուլիս 24}}</ref>:
