Սպի (ֆիլմ, 2014)
Սպի (անգլերէն՝ The Cut), յայտնի գերմանաբնակ թուրք ռեժիսոր Ֆաթիհ Աքընի ֆիլմ, նուիրուած է Հայոց Ցեղասպանութեան, նկարահանուած է 2014 թուականին։
Սիւժէ
ԽմբագրելԱյս ֆիլմը հայկական Ցեղասպանութեան մասին է։
1915 թուականին Մարտինի մէջ կը սկսին դէպքերը։ Գիշեր մը օսմանեան զինուորներ քաղաքի բոլոր հայ այրերը կը հաւաքեն ու անոնց հետ միասին իր ընտանիքէն կը փրցնեն նաեւ դարբին Նազարէթ Մանուկեան անունով գլխաւոր հերոսը, որուն ոդիսականը կը սկսի գաղթի ճամբուն վրայ։ Նազարէթ երկուորեակ երկու աղջիկներու՝ Արսինէի ու Լուսինէի, հայրն էր. կինը՝ Ռաքէլ ու աղջիկները, ամբողջ ընտանիքին հետ միասին կը քշուին դէպի Տէր Զօրի անապատը, հազարաւոր տեղահանուածներու հետ միասին։ Ժապաւէնին առաջին հատուածը շատ ազդու տեսարաններ ունի. գլխաւոր հերոսին անոր հետ միասին ձերբակալուած մարտինցիներու տառապալից օրերու ծանր ապրումները, սպանութեան դրուագը, երբ իր բոլոր ընկերները վայրագօրէն կը գլխատուին, սակայն իր ոճրագործին ձեռքը չ՛երթար սպաննելու զինք։ Նազարէթ Մանուկեան ծանրօրէն կը վիրաւորուի, բայց կը փրկուի իր դահիճին՝ Մեհմետի կողմէ, որ մարդասիրական մօտեցումով զինք կը հանէ այդ վայրէն։ Մանուկեանին ձայնալարերը կը վնասուին ու այլեւս չի կրնար խօսիլ, բայց ան ապրելու եւ ընտանիքը գտնելու մեծ վճռակամութեամբ կը բռնէ տարագրութեան ու որոնումի ճամբան։[1][2]:
Դերակատարներ
Խմբագրել| Դերակատար | Դեր |
|---|---|
| Թահար Ռահիմ | Նազարէթ Մանուկեան |
| Սիմոն Աբգարեան | Գրիգոր |
| Մաքրամ Խուրի | Օմար Նասրետտին |
| Հինտի Զահրա | Ռաքէլ |
| Գէորգ Մալիքեան | Յակոբ Նաքաշեան |
| Պարթու Քիւչիւքչաղլայեան | Մեհմետ |
| Աքըն Կազի | Հրանդ |
| Ճորճ ՃորՃու | Վահան |
| Զէյն Ֆախուրի | Արսինէ |
| Տինա Ֆախուրի | Լուսինէ |
| Արսինէ Խանճեան | Տիկին Նաքաշեան |
| Շուհպամ Սարաֆ | Լեւոն |
| Արեւիկ Մարտիրոսեան | Անի |
| Լարա Հիլըր | Լուսինէ |
| Նուման Աքար | Մանուէլ |
| Դերակատար | Դեր |
|---|---|
| Քորքմազ Արսլան | Առաջնորդ |
| Եասեր Չեթին | Թուրք |
| Ժոել Ժագշու | Թոմ |
| Աննա Սավա | Տիկին Գրիգորեան |
| Սեւան Ստեֆան | Պարոն Պօղոս |
| Սեդա Թերեզեան | Կին |
Նկարահանումներ
ԽմբագրելՖիլմի նկարահնման վայրերն են՝ Յորդանան, Քուպա, Քանատա, Մալթա եւ Գերմանիա:
Մրցանակներ եւ առաջադրումներ
Խմբագրել- Համպուրկի ֆիլմերու փառատօն
- Առաջադրուած - Art Cinema Award
- Վենետիկի ֆիլմերու փառատօն
- Յաղթած - Յատուկ յիշատակութիւն
- Առաջադրուած - Ոսկէ առիւծ
Ֆիլմի փրեմիերան (առաջին ներկայացումը) տարբեր երկիրներու մէջ
Խմբագրել«Սպի» ֆիլմի առաջին փրեմիերան տեղի ունեցած է 2014 թուականի Օգոստոս 31-ին, Իտալիոյ Վենետիկի ֆիլմերու փառատօնի ընթացքին։
- Իտալիա, 31 Օգոստոս 2014
- Գերմանիա, 27 Սեպտեմբեր 2014
- Շուէտ, 2 Հոկտեմբեր 2014
- Հարաւային Քորիա, 3 Հոկտեմբեր 2014
- Մեծ Բրիտանիա, 10 Հոկտեմբեր 2014
- Իսրայէլ, 10 Հոկտեմբեր 2014
- Գերմանիա, 16 Հոկտեմբեր 2014
- Շուէտ, 16 Հոկտեմբեր 2014
- Յունաստան, 2 Նոյեմբեր 2014
- Եգիպտոս, 9 Նոյեմբեր 2014
- Մակեդոնիա, 16 Նոյեմբեր 2014
- Սպանիա, 22 Նոյեմբեր 2014
- Թուրքիա, 5 Դեկտեմբեր 2014
- ԱՄՆ, 31 Դեկտեմբեր 2014
- Ֆրանսա, 14 Յունուար 2015
- Շուէտ, 14 Յունուար 2015
- Հայաստան, 19 Փետրուար 2015
- Ռուսաստան, 19 Փետրուար 2015
- Ուքրանիա, 19 Փետրուար 2015
- Մեծ Բրիտանիա, 27 Փետրուար 2015
- Ռումինիա, 27 Փետրուար 2015
- Սերպիա, 2 Մարտ 2015
- Յունաստան, 5 Մարտ 2015
- Նիտերլանտներ, 19 Մարտ 2015
Ծանօթագրութիւններ
Խմբագրել- ↑ Ֆիլմի համառօտ նկարագրութիւն
- ↑ «Fatih Akin’s Film on 1915 to Premiere at Venice Film Festival»։ Armenian Weekly։ 2014 թուականի Յուլիս 24
Արտաքին յղումներ
Խմբագրել- «Սպի» ֆիլմի պաշտոնական կայք: Archived 2015-02-06 at the Wayback Machine.(գերմաներէն)
- «Սպի» IMDb կայքէջին վրայ(անգլերէն)
- Կաղապար:Kinopoisk(ռուսերէն)