Վահան Զարդարեան

Վահան Զարդարեան (1872, Կոստանդնուպոլիս, Օսմանեան Կայսրութիւն - 1945), հայ գրավաճառ, հրատարակիչ։

Վահան Զարդարեան
Ծնած է	1872
Ծննդավայր	Կոստանդնուպոլիս, Օսմանեան Կայսրութիւն
Մահացած է	1945
Մասնագիտութիւն	գրավաճառ, հրատարակիչ

Կենսագրութիւն

Ծնած է Պոլիս։ Նախնական կրթութիւնը ստացած է տեղի Մայր վարժարանը։ Աւարտելէ ետք աշխատած է հօր տպարանը։

1901-ին եղբօր՝ Պիմէն Զարդարեանի, հետ հիմնած է Զարդարեան գրավաճառանոց։ Տարիներու ընթացքին հաւաքած է հազարաւոր հնատիպ գիրքեր, պարբերականներ, նաեւ բազմաթիւ հին փաստաթուղթեր, վաւերագիրներ։ Վերոհիշեալ փաստաթուղթերը օգտագործած է իր կազմած «Յիշատակարան» ժողովածոյին մէջ, որ լոյս տեսած է 1910-14-ին։

Քեմալական շարժման յաղթանակէն ետք, 1923-ին բաժնուած է եղբօրմէն եւ մեծ քանակութեամբ հնատիպ գիրքեր եւ արխիւային նիւթեր պարունակող գրավաճառանոցով մեկնած է Եգիպտոս, Գահիրէի մէջ հիմնած է Զարդարեան գրավաճառանոցը, որ եղած է այդ քաղաքի մշակութային կարեւոր կեդրոններէն մէկը։

1930-ականներու սկիզբները վերահրատարակած է «Յիշատակարանները»՝ հինգ փոքրադիր հատորներով, աւելացնելով բազմաթիւ նոր կենսագրութիւններ, լուսանկարներ, վաւերագիրներ։

Աշխատութիւններ

• Վահան Զարդարեան, Յիշատակարան:Հայ երեւելիներու կենսագրութիւնները, լուսանկարները, ձեռագիրները, գրութիւնները եւլն, 1512-1912։ Առաջին հատոր, Կ. Պոլիս, 1910։
• Վահան Զարդարեան, Յիշատակարան։ Հայ երեւելիներու կենսագրութիւնները, լուսանկարները, ձեռագիրները, գրութիւնները եւլն, 1512-1912։ Երկրորդ հատոր, Կ. Պոլիս, 1911։
• Վահան Զարդարեան, Յիշատակարան։ Հայ երեւելիներու կենսագրութիւնները, լուսանկարները, ձեռագիրները, գրութիւնները եւլն, 1512-1912։ Երրորդ հատոր, Պրակ ԻԷ, Կ. Պոլիս, 1912։
• Վահան Զարդարեան, Յիշատակարան։ Հայ երեւելիներու կենսագրութիւնները, լուսանկարները, ձեռագիրները, գրութիւնները եւլն, 1512-1912։ Երրորդ հատոր, Պրակ ԻԶ, Կ. Պոլիս, 1912։ Archived 2016-03-05 at the Wayback Machine.
• Վահան Զարդարեան, Յիշատակարան։ Հայ երեւելիներու կենսագրութիւնները, լուսանկարները, ձեռագիրները, գրութիւնները եւլն, 1512-1912։ Երրորդ հատոր, Պրակ ԻԸ, Կ. Պոլիս, 1912։
• Վահան Զարդարեան, Յիշատակարան։ Հայ երեւելիներու կենսագրութիւնները, լուսանկարները, ձեռագիրները, գրութիւնները եւլն, 1512-1912։ Երրորդ հատոր, Պրակ ԻԹ, Կ. Պոլիս, 1912։