Վարուժան Թէնպէլեան

Վարուժան Թէնպէլեան;
Ծնած է	1957-ին
Ծննդավայր	Պէյրութ
Ազգութիւն	Հայ
Կրօնք	Հայ առաքելական
Մասնագիտութիւն	investigative reporter եւ research analyst.
Աշխատավայր	Հասարակական գործիչ, խմբագիր
Ամուսին	Անի Չէօրէքճեան
Երեխաներ	Նարին, Ալիք, Հայկ
Կայքէջ	hayemnews.com

Վարուժան Թէնպէլեան (ծն․՝ 1957-ին, Պէյրութ), լրագրող, խմբագիր, մտաւորական եւ հասարակական գործիչ։

Կենսագրութիւն

Վարուժան Թէնպէլեան արմատներով՝ հօրենական կողմէ Հաճընցի, իսկ մօրենական՝ Լափաշցի: Հայրը ծնած է Ժպէյլ (Byblos) իսկ մայրը՝ Քարանթինա, Պէյրութ:

Նախնական կրթութիւնը ստացած է Սուրէն Խանամիրեան ազգային երկրորդական վարժարանին մէջ, ապա մասնագիտացած է հայ գրականութեան եւ հայագիտական նիւթերու մէջ՝ ամողջացնելով Համազգայինի Հայագիտական Հիմնարկի քառամեայ դասընթացքը՝ միաժամանակ հետեւելով Հայկազեան Համալսարանի քաղաքական գիտութիւններու բաժանմունքին:

Ան ունեցած է բեղուն գործունէութիւն հասարակական կեանքին մէջ իբրեւ քաղաքական գործիչ։

Գործունէութիւն

Ազդակ օրաթերթի խմբագիր

1982-1989 Վարուժան Թէնպէլեան վարած է պատասխանատու խմբագրի պաշտօնը Ազդակ օրաթերթին մէջ՝ ստորագրելով բազմաթիւ յօդուածներ․ ինչպէս նաեւ՝ այլ թերթերու մէջ, հրապարակած է գրախօսականներ, թատերական ու գեղարուեստական քննադատական յօդուածներ:

Լիբանանեան մամուլի աշխատակից

2000-2003 Վարուժան Թէնպէլեան աշխատակցած է լիբանանեան անգլիատառ Lebanon Opportunities ամսաթերթին եւ Daily Star օրաթերթին:

Վանայ Ձայն ռատիոկայանի տնօրէնութիւն

1989-1999 Վարուժան Թէնպէլեան վարած է Վանայ Ձայն ռատիոկայանի տնօրէնութիւնը։

IFP Group շրջանային ընկերութեան մասնակից

2003-2017 իբրեւ ուսումնասիրող եւ հրատարակչական գործերու պատասխանատու Թէնպէլեան մաս կազմած է IFP Group շրջանային ընկերութեան անձնակազմին:

Արեւմտահայերէն hayemnews հարթակի հիմնադրում

2017-ին, արեւմտահայերէնի պաշտպանութեան եւ տարածման նախանձախնդրութեամբ, հիմնած է hayemnews.com հարթակը, ուր կը հրատարակէ հրապարակագրական, գրական ու գեղարուեստական նիւթեր: