Տոմպրովսքա Վլատիսլավա Աուկուսթինովից

Տոմպրովսքա Վլատիսլավա Աուկուսթինովից նկարչուհի է: Ծնած է 15 Մայիս 1901-ին Քրաքով: Միջին դասընթացքը աւարտելէն յետոյ, նկարչութեան կը հետեւի, նախ առանձնաբար սորվելով եւ ապա անուանի նկարչուհի Մէխօֆֆէրօվայի դպրոցին մէջ: 1925-ին նկարիչներու զովողութեան մէջ մտած է: 1929-ին կ'ամուսնանայ Տոքթոր Սթանիսլավ Տոմպրովսքիի հետ որ նմանապէս արուեստագէտ նկարիչ մըն էր: 1925-էն սկսեալ արդէն կը մասնակցի տեղական նկարահանդէսներու եւ ապա կը ցուցադրէ իր գործերը, Վարշաւիայի, Քրաքովի եւ Շիքակոյի մէջ: Կը շահագրգռուի մասնաւորապէս դաշտանկարչութեամբ եւ դիմանկարներով: Իրեն գործերուն մէջ յիշուելու արժանի են 1. Կին մը կուժի ձեռին (1926), 2. Իր մօր դիմանկարը (1921), 3. Հանգիստ աշխատանքէ ետքը (1927), 4. Ձմեռը լեռներու վրայ (1929), 5. Վայրանկար մը (1931), 6. Կլանաւի ապարանքը (1932), 7. Դղեակի մը ներքսակողմը (1934):

Աղբիւրներ

Հայ Հանրագիտակ, Գիրք Բ., Թիւ 2, Հ. Մկրտիչ Վրդ. Պոտուրեան, 1938, էջ. 201