«Esperanza», Շարլ Ազնաւուրի 1961-ի հիթային երգը:

««Esperanza» Շարլ Ազնաւուրի երգը»
ի երգը
Թողարկուած 1961
Հեղինակ Ռամոն Քապրերա Արկոթէ, Շարլ Ազնաւուր

Երգի ֆրանսերէն բնագիրի հեղինակը Շարլ Ազնաւուրն է, երաժշտութիւնը՝ Ռամոն Քապրերա Արկոթէն[1]: Երգի ազնաւուրեան տարբերակը կը սկսի "Esperanza, esperanza, le bonheur en nos coeurs..." բառերով:

Սպաներէն բնօրինակը՝ Նինօ տէ Մուրսիայի կատարմամբ, նոյնպէս մեծ ժողովրդականութիւն կը վայելէ, յատկապէս սպանալեզու երկիրներուն մէջ, սակայն Ազնաւուրի ֆրանսերէն տարբերակը աւելի ու աւելի շատ երաժշտասէրներու սրտեր նուաճած է նոյնիսկ սպանալեզու երկիրներուն մէջ[2]:

Ստորեւ ազատ շարադրանքով ներկայացուած է երգի ազնաւուրեան տարբերակին բովանդակութիւնը:

«Esperanza, Esperanza, երջանկութիւնը մեր սրտերուն մէջ կը շարունակէ ապրիլ: Esperanza, Esperanza, եւ յոյսը մեր սրտերուն մէջ կ'ապրի, սէ՛ր իմ: Սէրը կը ծնի փոքրիկ բաներէ, մինչեւ իսկ՝ աննշան առաջարկութենէ մը, կը կերպաւորուի՝ թեկուզ եւ մեր կամքին հակառակ, մեր սրտերուն մէջ կը հիւսէ բոյնը իր, կը ծաղկի մեր խենթաւուն երազներու մէջ: Եւ փոխանակ գովերգես նախախնամութիւնն ու բախտը, դուն, ժամանակէն առաջ իյնալով, կ՛ուզես իմանալ՝ ապագային ես կը մնա՞մ նոյնը, թէ՝ ոչ: Բայց, սիրելի՛ս, քանի դեռ կը սիրեմ քեզ, մոռցի՛ր ամէն ինչ, ապրի՛ր այս պահը եւ մի՛ վախնար գալիք օրերէն: Հոգ չէ, թէ մեզ հետ ինչ կը պատահի, վերջ տուր դուն քեզ տանջել-չարչարելէ. ինչո՞ւ կը տանջուիս...ի զո՜ւր կը տանջուիս, քանզի միտքերը այն, որ քեզ ցաւ կը բերեն, անբնական են, անբնակա՛ն: Հաւատա՛ ինձ եւ մոռցի՛ր ընդմիշտ թէ՛ հոգ, թէ՛ տագնապ, քանզի ժամանակը կ'անցնի, կ'անցնի: Եւ լրիւ անգէտ, թէ վաղուան օրը ինչ նոր բան կը բերէ, ես կը վերցնեմ օրը այս՝ քո սիրտի լոյսով ճաճանչուած եւ կը վստահիմ ճակատագիրս ճիշդ ա՛յս մէկ բառին՝ Esperanza, այսինքն՝ յոյս»:

Տարբերակներ, երգիչներԽմբագրել

  • António Machin
  • Digno Garcia - 1970 թ.
  • Enrique Montoya - 1959 թ.
  • Nino de Murcia - 1961 թ.
  • Johnny Forsell, Ֆինլանտա- 1962 թ.
  • Los Machucambos - 1962 թ.
  • Los Matecoco - 1962 թ.
  • Ralf Carsten, Լոոզեի գերմաներէն թարգմանութեամբ - 1962 թ.
  • Manuel de Gomez, Tipica նուագախումբի հետ - 1963 թ.
  • Ping Ping (Al Verlane եւ անոր Montebello's-ը) - 1962 թ.
  • Orchestre Des Champs Elysées - 1966 թ.
  • Les Scarlet
  • Charlie Level եւ Les Carnaval's
  • Didier Boland-ը եւ L'Orchestre Des Rois Avec Les "Gilles Choeurs" PBM France

ԾանօթագրութիւններԽմբագրել

  1. Library of Congress Catalog of Copyright Entries 1962 p.1780 "Cabrera Argotes, Ramon - ESPERANZA"
  2. Ramo Fernandez-Larrea Kabiosiles - Los musicos de Cuba 2006 "..inolvidable de Cabrera "Esperanza". Es la nostalgia parisina de Charles Aznavour que me trae ahora..."