Great Sand Dunes ազգային պուրակ եւ պահեստ

Great Sand Dunes ազգային պուրակ (անգլ․՝ Great Sand Dunes National Park and Preserve)․ կը գտնուի Քոլորատօ նահանգին հարաւը, Ա․Մ․Ն․։ Կը պատսպարէ Հարաւային Ամերիկայի ամենէն բարձր աւազակոյտերու ամբողջութիւն մը։

Ազգային պուրակ եւ պահեստ
Great Sand Dunes ազգային պուրակ եւ պահեստ
անգլերէն՝ Great Sand Dunes National Park and Preserve
Great Sand Dunes ազգային պուրակ եւ պահեստը արեւածագին
Երկիր	Ամերիկայի Միացեալ Նահանգներ
Հիմնադրուած է՝	որպէս ազգային պուրակ,13 Սեպտեմբեր 2004 որպէս ազգային յուշարձան,1932
Տարածութիւն	603.1 քլ քմ²
Պաշտօնական կայքէջ	nps.gov/grsa​(անգլերէն)

Ընդհանուր տեղեկութիւններ

Պուրակին տարածութիւնն է 603.1 քլ²։ Աւազակոյտները կը ծածկեն 78 քլ² տարածք մը եւ բաղկացած են մրուրէ, որ կ՛իջնէ դրացի լեռներէն եւ հովիտին մէջ կը կուտակուի։ Պուրակին բնահամակարգը կ՛ընդգրկէ բարձրադիր լեռներ (3․900 մեթրէ բարձր վեց բարձրադիր գագաթներ), սարնալիճեր, ալպեան թունտրա, ենթալպեան անտառներ, կոնաբեր անտառներ, մարգագետիններ եւ խոնաւ շրջաններ։ Ծովուն մակերեսէն բարձրութիւնը կը փոփոխուի․ 2․991 մեթրէն՝ հովիտին մէջ աւազակոյտներուն արեւմուտքը, մինչեւ 4․146 մ․՝ Թիխերաս գագաթ, ազգային պուրակին հիւսիսը։

ազգային պուրակին քարտէսը

Պուրակը հիմնուած է Ա․Մ․Ն․ Ծերակոյտին օրէնսդրութեամբ (17 Մարտ 1932)։ Իսկ ազգային պուրակ հռչակուած է 13 Սեպտեմբեր 2004-ին։

Բնապահպանում

Բուսական աշխարհ

Շրջանի բուսականութիւնը հարուստ է Պրիսթըլքոն շոճիներով, բոնտերոսա շոճիներով, Տակլաս եղեւիներով, ինչպէս նաեւ բազմաթիւ ալպեան բոյսերով։

Կենդանական աշխարհ

Պուրակը կը պատսպարէ քանատական քարայծներ, սեւ արջեր, Հիւսիսային Ամերիկայի յովազներ, ամերիկեան այծեամներ, ամերիկեան բիքասներ (ստնաւորի տեսակ), եղջերու ջորիներ, ամերիկեան իշղարներ, դեղնափորիկ արջամուկեր, Ռոքի լեռներու Rocky Mountains եղջերուներ, քանկուրոր մուկեր, Ալպեր սկիւռներ, Ամերիկայի նապատակներ եւ Քանատայի կուղբեր։ Պուրակին սահմաններուն մէջ կը բուծանին 2 000-է աւելի վայրի եզեր (Bison)։

Թուագրուած են 250-է աւելի թռչուններու տեսակներ, ինչպէս օրինակ՝ ճաղատ արծիւ, թագաւորական արծիւ, քանատական կռունկ, Ամերիկայի վերակտցար, մեծ բազէ, սպիտակապոչ ձիւնակաքաւ, մթին ցախաքլոր, սարեկիկ, կարմրակուրծք ճնճղուկ, երկնագոյն թռչուն, գաճաճ բու, հծծահաւ, կարմրակլուխ տանագր։

Պատկերասրահ

Նկարներ Great Sand Dunes ազգային պուրակի բուսական եւ կենդանական աշխարհէն

• 
• 
• 
• 
• 
• 
• 
• 
• 
• 
• 
• 
• 
•