Ալեքսանտր Սիրանոսեան
Ալեքսանտր Սիրանոսեան (1939, Նիս, Ֆրանսա), ֆրանսահայ երաժիշտ, նուագախմբավար եւ մանկավարժ։
| Ալեքսանտր Սիրանոսեան | |
|---|---|
| Ծնած է | 1939 |
| Ծննդավայր | Նիս, Ֆրանսա |
| Մասնագիտութիւն | խմբավար, երաժիշտ |
Ծնած է ֆրանսայի Լիոն քաղաքը, ակնցի ծնողներէ։ 17 տարեկանին ընդունուած է Լիոնի երաժշտանոցը եւ ապա շարունակած է ժընեւի մէջ[1], ուր նաեւ մասնագիտացած է դաշնակահարի եւ նուագավարի ճիւղերուն մէջ։
Եղած է ղեկավար՝ Լիոնի ուսաանողական սենեկային նուագախումբի եւ քաղաքային «Pro Musica» գործիքային խումբին, իսկ 1967-ի Յունիսին, հանդիսացած է Ռոման քաղաքի համերգային ընկերութեան երաժշտական կեանքի տնօրէնը[2]։
Սիրանոսեանի ղեկավարութեամբ Ռոմանի երաժշտանոցը մեծ ծաղկում ապրած է, միեւնոյն ատեն ան ղեկավարած է Ռոմանի համերգային ընկերութեան 60 հոգիէ կազմուած նուագախումբը եւ 1973 ին հիմնադրած է այնտեղ լարային գործիքներու խումբ մը, որ հռչակաւոր եղած է իր բարձր մակարդակով։ Իբրեւ դաշնակահար ելոյթներ ունեցած է զանազան երկիրներու մէջ ինչպէս նաեւ Երեւանի մէջ[3]։
Ծանօթագրութիւններ Խմբագրել
- ↑ «Biographie»։ Alexandre Siranossian (ֆրանսերէն)։ արտագրուած է՝ 2022-02-20
- ↑ «Հայկական Երաժշտութեան Շաբաթ Նիսի Երաժշտանոցին ՄԷջ»։ Hayern Aysor։ 2017-03-15։ արտագրուած է՝ 2022-02-20
- ↑ «Էջ մը հայ երաժշտութենէն ֆրանսահայ երաժիշտ եւ նուագախմբավար Ալեքսանտր Սիրանոսեան։»։ www.archivioradiovaticana.va։ արտագրուած է՝ 2022-02-20