Ակսել Բակունցի Տուն-Թանգարան
Ակսել Բակունցի տուն-թանգարան, հիմնադրուած է 1968-ին Գորիսի այն տան մէջ, ուր ծնած է 20-րդ դարու հայ արձակագիր Ակսել Բակունցը ( 1899- 1937)։ Ե. Չարէնցի անուան գրականութեան եւ արուեստի թանգարանի մասնաճիւղն է։
Ակսել Բակունցի Տուն-Թանգարան | |
|---|---|
 | |
| Տեսակ | հուշային թանգարան?[1] |
| Երկիր |
 Հայաստան |
| Տեղագրութիւն | Գորիս |
| Հասցէ | Մաշտոցի 41, Գորիս, Սյունիքի մարզ, Հայաստան |
| Հիմնադրուած է | 1968 |
| 39°30′40″N 46°20′27″E / 39.511064°N 46.3408°E | |
 | |
 | |
Պատմութիւն
ԽմբագրելՏուն-թանգարանի հանդիսաւոր բացումը տեղի ունեցած է 17 Սեպտեմբեր 1970-ին։ Մինչ այդ տան կէսը վաճառուած եղած է։ 1970-ին Բակունցի 90-ամեակի կապակցութեամբ տունը ետ գնուած է։ Տուն-թանգարանի ստեղծման եւ զարգացման մէջ մեծ ներդրում ունեցած է թանգարանի տնօրէն Քաջիկ Միքայէլեանը։ 2011-ին կատարուած է թանգարանի հիմնանորոգում. փոխուած է տանիքը, ներքին յարդարման աշխատանքներ կատարուած են։ Զգալի աշխատանքներ իրականացուած են նաեւ բակին մէջ։ 2012-ին աւելի շատ աշխատանքներ կատարուած են դուրսի յարդարման վրայ. տեղադրուած է բազրիք, թանգարանը լուսաւորուած է փողոցի կողմէ։
Ցուցադրութիւն
Խմբագրել
Թանգարանը ունի շուրջ 500 ցուցանմուշ, ինչպէս՝ լուսանկարներ, իրեր, առկայ են նաեւ հազարաւոր գիտաօժանդակ նիւթեր։ Անոնք կը ներկայացնեն գրողի ուսումնառութեան տարիները, զինուորական կեանքը, գրական բեղնաւոր գործունէութիւնը։ Այստեղ կը պահուի նաեւ հարուստ գրադարանը։
Միջոցառումներ
ԽմբագրելՏուն-թանգարանին մէջ կը կազմակերպուին Բակունցի ստեղծագործութեան, արդի գրական խնդիրներուն վերաբերող տարաբեր միջոցառումներ, ամէնամեայ բակունցեան օրեր։
Հասցէ
ԽմբագրելԹանգարանը կը գտնուի Սիւնիքի մարզի Գորիս քաղաքին մէջ, Մաշտոցի փողոցի 41 հասցէով։
