Անդրա­նիկ Տա­գէսեան

Անդրա­նիկ Տա­գէսեան (6 Փետրուար 1960(1960-02-06), Պէյրութ, Լիբանան), հայ բանասէր, խմբագիր, մատենագէտ, քաղաքագիտութեան դոկտոր (2011, Ուէյլզ համալսարան)։

Անդրա­նիկ Տա­գէսեան
Ծնած է	6 Փետրուար 1960(1960-02-06) (64 տարեկան)
Ծննդավայր	Պէյրութ, Լիբանան
Մասնագիտութիւն	խմբագիր

Կենսագրական գիծեր

Ծնած է Պէյրութ: Աւարտած է ՀԲԸՄ Յովակիմեան Մանուկեան Երկրորդական Վարժարանը (1978):

Վկայուած է Երեւանի Պետական Համալսարանի Հայ Գրականութեան բաժնէն Մագիստրոս վկայականով (1983), Պէյրութի Ամերիկեան Համալսարանի Քաղաքական Գիտութիւններու բաժնէն (Մագիստրոս Արուեստից, 1989), Ապըրտին Համալսարանէն դոկտորականը պաշտպանած է Սուանզի Համալսարանին մէջ (Ուէյլզ, 2012):

Ան տնօրէնն է Հայկազեան Համալսարանի Հայկական Սփիւռքի Ուսումնասիրութեան Կեդրոնին (2011), Պատասխանատու Քարտուղարը՝ Հայկազեան Հայագիտական Հանդէսին (1993), անդամ է Հայագիտութեան Հարցեր հանդէսի խմբագրակազմին (2014):

Դոկտ. Տագէսեանի գիտական հետաքրքրութիւնները ուղղուած են ինքնութեան, համարկումի, Սփիւռքի պատմութեան, մշակոյթին եւ ժողովրդագրութեան, եւ Միջին Արեւելքի ժողովրդավարութեան հարցերուն:

Աշխատութիւններ

• «Պատմութիւն ՌԱԿ Լիբանանի շրջանակի. 1922–1937» (1993),
• «Վահան Պէտէլեան։ Երաժիշտ-մանկավարժը» (2004),
• կազմած է «Լիբանանահայ գիրքը. 1894–2012: Մատենագիտական ցանկ» (2013, համահեղինակ՝ Արմեն Յուրնեշլյան, բոլորը՝ Բեյրութ) մատենագիտական ժողովածոն։