Ժագ Տանիէլզ

Ժաք Տանիէլզ (անգլերէն՝ Jack Daniel’s), ամերիկեան ամէնէն շատ վաճառուող Ուիսքին՝ աշխարհի տարածքին[1][2]: Անիկա կ'արտադրուի Թենըսիի մէջ` Ժագ Տանիէլ գործարանին մէջ, որ 1956-էն ի վեր կը պատկանի Պրաուն Ֆորման ընկերութեան[3]:

Jack Daniel’s
Jack-Daniels-distillery-tn1.jpg
Ծնած է 5 Սեպտեմբեր,1846
Մահացած է 1911
Աշխատավայր գործի ձեռնարկութիւն եւ whisky distillery
Կայքէջ jackdaniels.com

Արտադրանքը կ'ենթարկուի խիստ չափանիշներով կանոնաւոր ստուգումներու[4][5]:

Ըստ Հիւսիսային Ամերիկայի ազատ տնտեսական համաձայնագիրին, Թենըսիի Ուիսքին կը դասակարգուի պուրպոն տեսակի Ուիսքիներու շարքին, որ կ'արտադրուի միայն Թենըսի նահանգին մէջ[6]:

Կը Լեցուի քառակուսի տակառներու մէջ: 2012-ին շուրջ 11 միլիոն Պլէք Լէյպըլ պիտակաւորմամբ Ուիսքի վաճառուած է:

Վաղ պատմութիւնԽմբագրել

Ըստ Ժագ Տանիէլզ վաճառանիշի պաշտօնական կայքին՝ հիմնադիր Ժագ Տանիէլ ծնած է 1850-ին[7]: Անոր ծննդեան օրը կը նշուի Սեպտեմբերին[7]: Ըստ Փիթըր Քրասի հեղինակած «Արիւն եւ Ուիսքի, Ժագ Տանիէլի կեանքը եւ ժամանակը» (անգլերէն՝ Blood & Whiskey: The Life and Times of Jack Daniel) կենսագրական գիրքին, ան ծնած է 5 Սեպտեմբեր 1846-ին[8]:

Ժագ իր ընտանիքին տասներեք երեխաներէն կրտսերն էր[8]: Անոր մեծ հայրը ԱՄՆ գաղթած էր Ուելսէն իր սքոթլանտացի կնոջ հետ միասին[9]:

 
Ժագ Տանիէլի արձանը Թենըսիի մէջ:

Մանկութենէն Ժագ աշակերտած է Ուիսքի թորող վարպետի մը մօտ[10]: 1987-ին հօրմէն ստացած ժառանգութեամբ Ժագ կը հիմնէ իր անձնական արտադրութիւնը՝ իր վարպետին հետ միասին[8][10]: Արտադրանքին պիտակին վրայ կը նշէ «Est. & Reg. in 1866», բայց կենսագիրը կը նշէ, որ պաշտօնական գրանցումը տեղի ունեցած է 1875-ին: Մինչեւ 1985 Տանիէլի արտադրամասը երկիրին 15 մեծ արտադրամասերէն մէկը կը դառնայ: Ան քառակուսի շիշերը կը սկսի օգտագործել 1897-էն[8][10]: Երկարատեւ եւ արդիւնաւէտ աշխատանքին շնորհիւ, Ժագ Տանիէլզ Լուիզիանայի ցուցադրութեան ատեն կ'արժանանայ ոսկեայ մետալի, հակառակ անոր, որ տեղական հեղինակութիւնը անկում կ'ապրէր, քանի որ ժուժկալութեան շարժումը (անգլերէն՝ Temperance movement in the United States) ԱՄՆ-ին մէջ հետզհետէ կ'ահազանգէր[8][9][10]: Ժագ Տանիէլ չ'ամուսննար եւ երեխաներ չ'ունենար: Բայց ան իր ազգականներուն խնամքը կը ստանձնէ, որոնցմէ մէկը Լեմիւելն էր՝[8][10] իր քրոջորդին, որ շուտով կը սկսի իրականացնել արտադրամասին ամբողջ թղթատարութիւնը:

1907-ին Ժագ Տանիէլ, առողջական վատ վիճակի պատճառով թորման գործարանը կը ձգէ իր երկու զարմիկներուն:

 
«Նաշվիլ» թերթին անդրադարձը՝ Ժագ Տանիէլզին

Ժագ Տանիէլ կը մահանայ 1911-ին, արեան վարակի պատճառով: Ըստ կարգ մը վարկածներու, վարակը յառաջացած էր ոտքի հատուածին մէջ ստացած վէրքէն[8][10][11]:

Ժագ Տանիէլի թորման արտադրամասը կը դադրի գործելէ 1942-1946 թուականներուն, երբ ԱՄՆ կառավարութիւնը որոշում կը կայացնէ դադրեցնել Ուիսքիի արտադրութիւնը Երկրորդ համաշխարհային պատերազմին պատճառով: Մոթլուն կը վերսկսի Ժագ Տանիէլզի արտադրութիւնը 1947-ին, երբ կրկին կ'արտօնուի Ուիսքի արտադրել:

Ընկերութիւնը 1956-ին կը վաճառէ Պրաուն Ֆորման ընկերութեան[3]: Ժագ Տանիէլզի թորման գործարանը 1972-ին կը ներառուի Պատմական վայրերու ազգային արձանագրատան մէջ:

Նոր պատմութիւնԽմբագրել

Մինչեւ 1987 Ժագ Տանիէլզի սեւ պիտակը պատմականօրէն կ'արտադրուէր 90 մակնիշով: Կանաչ պիտակը ունէր 80 մակնիշը: Ե՛ւ սեւ, ե՛ւ կանաչ պիտակները կ'արտադրուէին նոյն բաղադրամասերէն. տարբերակը կը կատարուէր մասնագէտներու կողմէ, որոնք կը յառաջացնէին բարձր որակի սեւ պիտակը եւ օրինաչափ որակի կանաչ պիտակը:

Վաճառքը եւ վաճառանիշին արժէքաւոր վիճակըԽմբագրել

Ժագ Տանիէլզ սեւ պիտակաւոր Թենըսիի Ուիսքին կը մնայ Պրաուն Ֆորման ընկերութեան դրօշակակիրը: 2012-ին ընկերութիւնը կը վաճառէ 11 միլիոն շիշ խմիչք[12]:

2013-ին գինիներու եւ ալքոհոլային խմիչքներու Համաշխարհային դասակարգման արդիւքներուն մէջ Ժագ Տանիէլզ կ'արժանանայ երրորդ մրցանակին[13]:

2014-ին դասակարգման աղիւսակին մէջ կը գրաւէ չորրորդ պատուաւոր տեղը համաշխարհային ալքոհոլային խմիչքներու շարքին մէջ:[14]

Իրաւական կարգավիճակԽմբագրել

Պետական մակարդակով Թենըսի աւելցուցած է յատուկ չափանիշներ: «Թենըսիի Ուիսքի» պիտակաւորումը ստանալու համար բաւարար չէ, որ Ուիսքին արտադրուած ըլլայ Թենըսի մէջ։ Անիկա պէտք է ունենայ համապատասխան որակ եւ արտադրական չափանիշներ[15]:

ՂեկավարներԽմբագրել

 
Ժագ Տանիէլ

2008-էն արտադրութիւնը կը ղեկավարէր Ճեֆֆ Արնետ:

Ղեկավար Աշխատանքային տարիներ
Եասպիս «Ժագ» Նիւտոն Տանիէլ 1866-1907
Լեմ Մոտլոու 1907-1947
Ճիմմի Պետֆորտ 1988-2008
Ճեֆֆ Արնետ 2008-էն

ՊատկերասրահԽմբագրել

ԾանօթագրութիւններԽմբագրել

  1. Hughes, T.,World's best-selling spirits revealed (and the winner is very unexpected), The Daily Mail, June 6, 2012.
  2. Stengel, Jim։ «Jack Daniel's Secret: The History of the World's Most Famous Whiskey»։ The Atlantic։ արտագրուած է՝ March 26, 2012 
  3. 3,0 3,1 «Slight Change of Recipe»։ Time Magazine (Time Magazine)։ August 5, 1966։ արտագրուած է՝ July 25, 2008 
  4. Cowdery, Charles K., Favorite whiskey myths debunked, The Chuck Cowdery Blog, December 16, 2009. (Accessed January 2011.)
  5. Cowdery, Charles K., Tennessee Whiskey Versus Bourbon Whiskey, The Chuck Cowdery Blog, February 21, 2009. (Accessed January 2011.)
  6. North American Free Trade Agreement Chapter Three: National Treatment and Market Access for Goods, NAFTA, January 1, 1994.
  7. 7,0 7,1 "People" section of Jack Daniel's website. Retrieved: March 20, 2014.
  8. 8,0 8,1 8,2 8,3 8,4 8,5 8,6 Book Discussion: Blood & Whiskey: The Life and Times of Jack Daniel, C-SPAN.
  9. 9,0 9,1 Jeanne Ridgway Bigger, "Jack Daniel's Distillery and Lynchburg: A Visit to Moore County, Tennessee", Tennessee Historical Quarterly, Vol. 31, No. 1 (Spring 1972), pp. 3-21.
  10. 10,0 10,1 10,2 10,3 10,4 10,5 Krass Peter (2004)։ Blood and whiskey: the life and times of Jack Daniel։ Hoboken, New Jersey: Wiley։ ISBN 0-471-27392-9  (page 7 saying "after he was born in 1849", and page 19 saying "By the time Jack was born in January 1849, ...")
  11. Freeth, N. (2005). Made in America: from Levis to Barbie to Google. St. Paul, MN: MBI.
  12. "Jack Daniel's In Legal Fight with Upstart Rival Distiller", The Oregonian [Portland], October 26, 2013, pp. B8, B10.
  13. «Diageo tops IWSR's brand rankings»։ Business Standard։ 5 September 2013։ արտագրուած է՝ 7 May 2015 
  14. «The Power 100 Spirits & Wine»։ RankingTheBrands։ Intangible Business։ 2014։ արտագրուած է՝ 7 May 2015 
  15. Esterl Mike (March 18, 2014)։ «Jack Daniels Faces Whiskey Rebellion»։ The Wall Street Journal։ արտագրուած է՝ March 18, 2014 

ԱղբիւրներԽմբագրել