Ժոզէֆ Ռատիըրտ Քիփլինկ


Ժոզէֆ Ռատիըրտ Քիփլինկ (անգլերէն՝ Joseph Rudyard Kipling,անգլիացի յայտնի գրող, բանաստեղծ եւ արձակագիր: Ժոզէֆ Ռատիըրտ Քիփլինկ, երբեմն Ռուտիարտ, (Ռատիըրտ՝ ըստ Օքսֆորտի ուսանողներու Բառարանին [21] ։

Ժոզէֆ Ռատիըրտ Քիփլինկ
անգլ.՝ Sir Joseph Rudyard Kipling
Kipling nd.jpg
Ծննդեան անուն անգլերէն՝ Joseph Rudyard Kipling
Ծնած է 2 Դեկտեմբեր 1865
Ծննդավայր Մումպայ, Բրիտանական Հնդկաստան
Մահացած է Lua error in Մոդուլ:Sources at line 232: bad argument #1 to 'format' (string expected, got nil).
Մահուան վայր Լոնտոն, Միացեալ Թագաւորութիուն
Քաղաքացիութիւն Flag of the United Kingdom.svg Միացեալ Թագաւորութիւն[19]
Ազգութիւն անգլիացիներ
Կրօնք անգլիկանություն
Ուսումնավայր United Services College
Ազդուած է Ռոբերտ Լուիս Սթիվենսոն
Երկեր «Տը ճանկըլ պուք Ճանկլներու գիրքը», «Քիմ», «Եթէ», The Second Jungle Book եւ Just So Stories
Մասնագիտութիւն գրող, բանաստեղծ, վիպասան, ռազմական թղթակից, մանկագիր, ինքնակենսագիր, բեմադրիչ, լրագրող, science fiction գրող եւ հեղինակ Լեզու անգլերէն
Աշխատավայր Սէնթ Էնտրու համալսարան
Պարգեւներ եւ
մրցանակներ
Գրականութեան Նոպէլեան մրցանակ եւ Թագաւորական գրական միութեան անդամ
Անդամութիւն Արուեստներու եւ գիտութիւններու ամերիկեան ակադեմիա եւ Թագավորական գրական ընկերություն
Ամուսին Caroline Starr Balestier
Ծնողներ հայր՝ Ջոն Լոքվուդ Կիպլինգ[20], մայր՝ Alice Kipling[20]
Երեխաներ Josephine, Elsie Bambridge եւ John Kipling
Ստորագրութիւն
Kipling signature cropped.jpg

ԿենսագրութիւնԽմբագրել

Քիփլինկի վաղ մանկութիւնը շա՜տ ուրախ ու անհոգ էր Հնդկաստանի մէջ, բայց հինգ տարեկանին ան իր քրոջ հետ մեկնեցաւ Անգլիա ուսում ստանալու: Վեց տարի շարունակ Քիփլինկը ապրեցաւ հանրակացարանի մէջ, որու տիրուհին շատ վատ կը վերաբերուէր Քիփլինկին հետ: Այս ամէնը այնքան վատ անդրադարձաւ անոր վրայ, որ գրողը մինչեւ կեանքի վերջ տառապեցաւ անքնութիւնէն:

12 տարեկանին Քիփլինկի ծնողները զինք տարին ուսումնարան, որպէսզի յետոյ ան անպայման ընդունուի շա՜տ հեղինակաւոր ռազմական ակադեմիա: Ուսումնարանի տնօրէնը Քիփլինկի հօր մտերիմ ընկերն էր: Եւ ան ալ տղուն մեջ սերմանեց հետաքրքրութիւն ու սէր դէպի գրականութիւնը: Այս տարիներուն Քիփլինկը շատ հետաքրքիր հեքիաթներ սկսաւ գրել, իսկ յետոյ սկսաւ աշխատիլ թերթի մը իբրեւ լրագրող :

1882 թուականին Քիփլինկը վերադարձաւ Հնդկաստան ու շարունակեց զբաղուիլ լրագրութեամբ՝ երբեք չմոռնալով, սակայն, գրել բազմատեսակ հեքիաթներ: Իսկ 80-ականները Ռատիըրտ Քիփլինկի կենսագրութեան մէջ յայտնի են որպէս ճանապարհորդութիւններու տարիներ: Շրջելով գրեթէ ամբողջ աշխարհով՝ Քիփլինկը 1889 թուականի Հոկտեմբերին եկաւ Լոնտոն, ամբողջութեամբ նուիրուեցաւ գրականութեանը եւ նոյն այդ օրերուն ալ ճանաչում ձեռք բերաւ:

Գաղթատիրական բուռն մրցապայքարի ժամանակներն էին, եւ Քիփլինկ փարեցաւ աջակողմեան գաղափարախօսութեան` անոր ամէնէն համարձակախօս ջատագովներէն մէկը դառնալով: Իր քաղաքական եւ ընկերային համոզումներուն համար ան շարունակ քննադատուեցաւ իր ժամանակի անգլիացի, եւրոպացի թէ ամերիկացի մեծարժէք գրողներու կողմէ, որոնք սակայն ոչ մէկ պարագայի հարցականի տակ առին Քիփլինկի բացառիկ տաղանդն ու արժէքը:

Հնդկաստանը նեղ կու գար Քիփլինկի գրական հեռանկարներուն համար եւ 1889-ին ան որոշեց Լոնտոն տեղափոխուիլ:

1892 թուականին ան ամուսնացաւ Քարոյլայն (Քերրի) Պալեսթիէրի հետ, որ ունեւոր ընտանիքէ սերած էր: Նորապսակ ամոլը որոշեց մեղրալուսինի համար երկար ճամբորդութիւն մը կատարել դէպի Մ. Նահանգներ, հոնկէ ալ` Եոքոհամա (Ճափոն), ուր Պալեսթիէրները ունէին ընտանեկան դրամատուն մը: Բայց դրամատունը անյաջողութեան մատնուած էր, եւ Քիփլինկ որոշեց վերադառնալ Մ. Նահանգներ, ուրկէ շարունակեց իր աշխատակցութիւնը ամերիկեան եւ անգլիական մամուլին:

Քիփլինկ մինչեւ վերջին շունչ շարունակեց նաեւ պայքարը իր քաղաքական եւ ընկերային համոզումներուն պաշտպանութեան համար: Թունդ ընդդիմախօս մը եղաւ Ա. Աշխարհամարտէն ետք թափ առած համաշխարհային համայնավարութեան, ինչպէս եւ` այս վերջինին իբրեւ հակազդեցութիւն թափ առած նացիական եւ ֆաշական շարժումներու. Հիթլեր եւ Մուսոլինի նշաւակ դարձան Քիփլինկի քաղաքական խարանող քննադատութեանց:

1896-ին Քիփլինկները, արդէն երկու զաւակներու ծնող, վերջնականապէս վերադարձան Լոնտոն: Գրական հռչակը արագօրէն կ՛աճէր Քիփլինկի ստեղծագործութեանց շուրջ եւ 1907-ի Նոպէլեան մրցանակը եկաւ փառքով պսակադրելու այդ հռչակը: Այնուհետեւ, մինչեւ 1936 թուականի յետկարճատեւ հիւանդութեան իր մահը, Ռուտիըրտ Քիփլինկ անխոնջ ստեղծագործեց եւ ստեղծագործական իր ժառանգութիւնը հարստացուց թէ՛ արձակ, թէ՛ բանաստեղծական արժէքաւոր գործերով:

ՍտեղծագործութիւններԽմբագրել

Քիփլինկ իրարու ետեւէ հրատարակած է ամենատարբեր գիրքեր՝ «Նահանգային երգեր» (1886) բանաստեղծութիւններու, «Բլուրներու անպաճոյճ զրոյցներ» (1888) նորավէպերու ժողովածուները, «Զօրանոցային երգեր» (1892), «Եօթ ծով» (1896), «Հինգ ազգ» (1903) բանաստեղծութիւններու գրքոյկները: Գրած է նաեւ «Լոյսը մարեց» (1890) եւ «Քիմ» վէպերը: Աւելի հանրայայտ են, սակայն, երեխաներու համար Քիփլինկի գրածները, յատկապէս անտառի գազաններու հետ ապրող հնդիկ մանուկի` Մաուկլիի մասին պատմութիւնները (The Jungle Book) («Տը ճանկըլ պուք Ճանկլներու գիրքը», 1894, «Ճանկլներու երկրորդ գիրքը», 1895):

1907 թ. կը դառնայ առաջին անգլիացին, որուն շնորհուեր է Նոպէլեան մրցանակ գրականութեան բնագաւառի մէջ։

Քիփլինկ մեծ նուաճումներ արձանագրեց նաեւ իբրեւ մանկական գրականութեան մեծատաղանդ հեղինակ, որուն «Տը ճանկըլ պուք» անունով պատմուածքներու հաւաքածոն կը հանդիսանայ գրական այդ սեռի դասական հարստութիւններէն մէկը: Անոր լաւագոյն ստեղծագործութիւնները կը համարուին «Ճանկլներու գիրքը» (The Jungle Book) պատմուածքներու ժողովածուն, «Քիմ» (Kim) վէպը, շարք մը բանաստեղծութիւններ, այդ թուով՝ «Եթէ» ("If") բանաստեղծութիւնը։ Քիփլինկի ստեղծագործութիւններու այլաբանութիւններով լեցուն հարուստ լեզուն մեծ ներդրում ունեցեր է անգլերէնի զարգացման գործին մէջ։

«Եթէ»Խմբագրել

1910-ին գրուած «Եթէ»-ն կը խտացնէ Քիփլինկի գրական տաղանդին գլխաւոր զոյգ առանձնայատկութիւնները` մտածումի խորութիւնն ու կենսայորդ զգացականութիւնը: Իր այդ զոյգ արժանիքներուն համար Քիփլինկ արժանացաւ Նոպէլեան մրցանակի ակադեմական դատակազմի յատուկ գնահատանքին` թէ՛ իբրեւ արձակագիր եւ թէ՛ իբրեւ բանաստեղծ:

Քիփլինկի անունը հայ ժողովուրդին կապուեցաւ Ա. Աշխարհամարտի աւարտին, երբ «Եթէ»-ի հանճարեղ բանաստեղծը անձամբ պայքար մղեց, որպէսզի Մ. Նահանգները պետականօրէն ստանձնեց հովանաւորութիւնը ցեղասպանութեան արհաւիրքէն փիւնիկի պէս յառնող նորանկախ Հայաստանին:[22]

ԵԹԷ

(Թրգմ.` Մուշեղ Իշխանի)

Եթէ կրնաս պահել գլուխդ առանձին,

Երբ խուճապի մէջ է չորս դիդ ամէն մարդ,

Եթէ կրնաս վստահ ըլլալ քու անձին,

Եթէ ուրիշներ կը կասկածին քու վրադ,

Եթէ կրնաս միշտ սպասել անձանձիր,

Կամ չստել` շրջապատուած սուտերով,

Ատողներու մէջ ըլլալ սիրալիր,

Եթէ կրնաս ըլլալ բարի, բայց ուժով.

Եթէ կրնաս դուն երազել եւ սակայն

Չըլլալ գերին երազներուդ գերիշխող,

Յաղթանակէն ետք հանդիպիլ պարտութեան

Եւ նո՛յն ձեւով ընդունիլ զոյգն այդ խաբող.

Եթէ կրնաս լսել քու խօսքդ վճիտ

Չարափոխուած յիմարներու ծուղակի

Ու խորտակուած տեսնել մեծ երկը կեանքիդ,

Բայց վերստին զայն շինելու գաս ծունկի.

Եթէ կրնաս շահը հազար ճիգերու,

Մէկ հարուածով յանձնել բախտի սեղանին

Եւ անտրտունջ, առանց երբեք ողբալու

Վերսկսիլ ծայրէն ամէն ինչ կրկին,

Եթէ կրնաս սիրտ ու ջիղեր ու մկան

Մաշումէն ետք նորէն լարել անդադար

Եւ դիմանալ, երբ մեռած է ամէն բան,

Բացի կամքէն, որ կը մնայ մէջդ վառ.

Եթէ կրնաս արքաներու հետ` պարզուկ,

Ամբոխին մէջ` առաքինի ըլլալ միշտ,

Եթէ թաղես կրքի րոպէն վաղանցուկ,

Եթէ մարդիկ անզօր են քեզ առթել վիշտ

Եւ ամէնուն կու տաս արժէքն իր արդար,

Եթէ սիրես, բայց սիրոյ խենթ չդառնաս.

Քո՛ւկդ է Երկիրն ու իր գանձերն անհամար

Եւ աւելին` այն ատեն Մա՛րդ ես, տղաս:

ԾանօթագրութիւններԽմբագրել

  1. Գերմանիոյ Ազգային Գրադարան, Պերլինի Պետական Գրադարան, Պաւարիոյ Պետական Գրադարան եւ ուրիշներ Record #118562290 // Gemeinsame Normdatei — 2012—2016.
  2. Bibliothèque nationale de France data.bnf.fr: open data platform — 2011.
  3. Rudyard Kipling — 1834.
  4. SNAC — 2010.
  5. Internet Broadway Database — 2000.
  6. 6,0 6,1 Find A Grave — 1995.
  7. Internet Speculative Fiction Database — 1995.
  8. International Music Score Library Project — 2006.
  9. http://web.archive.org/web/20170323100843/http://jeugdliteratuur.org/auteurs/rudyard-kipling
  10. Lundy D. R. The Peerage
  11. Discogs — 2000.
  12. NooSFere — 1999.
  13. BD Gest'
  14. Բրոքհաուզի հանրագիտարան
  15. Բրոքհաուզի հանրագիտարան
  16. (unspecified title)
  17. Gran Enciclopèdia CatalanaGrup Enciclopèdia Catalana, 1968.
  18. (unspecified title)
  19. https://libris.kb.se/katalogisering/c9prs2zw087p291 — 2016.
  20. 20,0 20,1 20,2 20,3 20,4 Kindred Britain
  21. Oxford Learner's Dictionaries
  22. Ճ. Ռ. Քիփլինկ (1865-1936). Գլխագիր Մարդ-ը Սահմանելու Արուեստը

Արտաքին յղումներԽմբագրել