Կապանի Ժամանակակից Արուեստի Թանգարան
Կապանի ժամանակակից արուեստի թանգարան, կը հանդիսանայ Երեւանի ժամանակակից արուեստի թանգարանի մասնաճիւղ, հիմնադրուած է 1990-ին, ՀՀ արուեստի վաստակաւոր գործիչ Հենրիկ Իգիթեանի նախաձեռնութեամբ եւ տեղական իշխանութիւններու աջակցութեամբ։
Կապանի Ժամանակակից Արուեստի Թանգարան | |
|---|---|
| Տեսակ | Պատկերասրահ |
| Երկիր |
 Հայաստան |
| Տեղագրութիւն | Կապան |
| Հիմնադրուած է | 1990 |
| 39°12′29″N 46°24′12″E / 39.207939°N 46.403381°E | |
 | |
 | |
Ցուցադրութիւն
ԽմբագրելԹանգարանին մէջ կը ցուցադրուին գեղանկարիչներու, քանդակագործներու, գրաֆիկներու եւ դեկորատիւ կիրառական արուեստի վարպետներու աշխատանքները։
Բացի կապանցիներէն թանգարան կ՚այցելեն պատուաւոր հիւրեր գրեթէ բոլոր երկիրներէն։ Եղած են պատուիրակութիւններ Գերմանիայէն, Պելառուսիայէն, Ռուսաստանէն, Կլենտելէն։ «Վորլդ Վիժն Հայաստանի»-ի աջակցութեամբ տարածքային զարգացման ծրագրի շրջանակներուն մէջ կը կազմակերպուին մանկական ցուցահանդէսներ եւ գեղանկարիչ Ռ. Կամոյեանի անհատական ցուցահանդէսը։ 2013-ին կազմակերպուած է Կապանի նկարիչներու խմբակային ցուցահանդէս «Աշուն-2013» խորագիրով եւ տպագրուած է գիրք։ Կապան քաղաքի տօնի առթիւ կազմակերպուած է գեղանկարչական աշխատանքներու ցուցահանդէս։ 2014-ին կազմակերպուած է Կապանի 4 նկարիչներու խմբակային ցուցահանդէս, հեղինակներ՝ Բորիկ Մինասեան, Լ. Առաքելեան, Ա. Աբրահամեան, Նարեկ Մինասեան։ 9 Ապրիլ 2015-ին բացուած է ցուցահանդէս «Կը յիշեմ եւ կը պահանջեմ» խորագիրով՝ նուիրուած Հայոց Մեծ Եղեռնի 100-ամեակին։ 16 Ապրիլին թանգարանային գիշեր միջոցառում, 18 Ապրիլն՝ թանգարանային միջազգային օրուայ առթիւ մշտական ցուցադրութիւն եւ դասախօսութիւն Բ. Մինասեանի կողմէ «Հայ նկարիչներու անդրադարձը Մեծ Եղեռնին»[1][2][3]։
Թանգարանին մէջ իրենց փորձը կը կատարեն արուեստի պետական քոլեջի ուսանողները, արուեստի եւ գեղարուեստի դպրոցներու սաները։
Միջոցառումներ
ԽմբագրելԲացի մշտական ցուցադրութենէն, թանգարանին մէջ կը կազմակերպուին Կապանի նկարիչներու անհատական եւ խմբակային ցուցահանդէսներ (Արմինէ եւ Սարօ Կալենցներ, Ռուդոլֆ Խաչատրեան, Ռոբերտ եւ Հենրի Էլիբեկեաններ, Անատոլի եւ Ալեքսանդր Գրիգորեաններ, Յովհաննէս Զարդարեան, Սարգիս Համալբաշեան, Արարատ Սարգսեան, Աշոտ Բայանդուր, Լեւոն Թոքմաճեան, Էդիկ Վարդանեան, Վրոյր Գալստեան, Արամ Իսաբեկեան, Ռաֆֆի եւ Ռուբէն Ադալեաններ, Վարուժան Վարդանեան եւ այլն), մշակութային բազմաբնոյթ միջոցառումներ։ OBCE –ի Կապանի գրասենեակի հետ միասին կազմակերպուած են Կապանի նկարիչներու խմբակային ցուցահանդէս եւ տպագրուած գիրք։
Հասցէ
ԽմբագրելԹանգարանը կը գտնուի Սիւնիքի մարզի Կապան քաղաքի Ռոմանոս Մելիքեան փողոցի թիւ 8 հասցէով։