Կարմիր Ծիլեր

Կարմիր Ծիլեր, խորհրդային շրջանի հայերէն մանկական պատկերազարդ ամսագիր։ Հանդիսացած է Վրաստանի ԼԿԵՄ Կենտկոմի եւ լուսժողկոմատի հրատարակութիւն։ Լոյս տեսած է 1923-1941 թուականին, Թիֆլիսի մէջ (1939-էն անուանուած է «Հոկտեմբերեան Սերունդ»)։ Խմբագիրներ՝ Յակոբ Յակոբեան, Յովհաննէս Պողոսեան, Ռուբէն Աղաբաբ։

Փորձած է նպաստել հայ սովետական մանկական գրականութեան ձեւաւորման ու զարգացման։ Տպագրած է Վրաստանի եւ Հայաստանի մէջ ստեղծագործող գրողներու, արուեստագէտներու, մանկավարժներու գործերը, թարգմանական նմուշներ՝ համաշխարհային դասական գրականութենէն։

Առանձին մատենաշարով լոյս ընծայած է մանկական ստեղծագործութիւններու ժողովածուներ։ «Կարմիր Ծիլերը» հայկական դպրոցներուն մէջ գործածուած է որպէս ուսումնական ձեռնարկ։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։