Կոմունիզմի Դրօշով

«Կոմունիզմի դրօշով», խորհրդային շրջանի հայկական երկօրեայ թերթ, Նախկին ՀԿԿ (Հայաստանի Կոմունիստական կուսակցութիւն) Թալինի շրջկոմի եւ ժողովրդական պատգամաւորներու շրջանային խորհրդի օրգան։ Լոյս կը տեսնէր 1953-1962 թուականներուն, իսկ 1965 թուականէն՝ Թալինի մէջ։

Կոմունիզմի Դրօշով
Տեսակ	հանդէս
Լեզու	հայերէն

Լուսաբանած է շրջանի կուսակցական, արհմիութենական եւ կոմերիտական կազմակերպութիւններու աշխատանքները, կոլեկտիւ եւ խորհրդային տնտեսութիւններու առօրեան, նիւթեր տպագրած գիւղատնտեսութեան եւ արդիւնաբերութեան ենթադրեալ զարգացման ուղիներու վերաբերեալ, անդրադարձած անասնապահութեան խնդիրներուն, շրջանի աշխատաւորութեան մոբիլիզացնել ԽՄԿԿ եւ ՀԿԿ համագումարներու որոշումներու իրագործման համար։

Լայն տեղ կը յատկացնէր սոցմրցութեան, քարոզած առաջաւոր համարուող տնտեսութիւններու փորձը, անդրադարձած երիտասարդութեան ագիտացիոն դաստիարակութեան, գիտութեան եւ արտադրութեան հարցերուն։ Տպագրած է մշակութային ու մարզական կեանքը պատկերող հաղորդումներ ու լուրեր, գրական ստեղծագործութիւններ, բժշկական, իրաւաբանական խորհրդատւութիւններ։

Յաջորդած է «Բոլշեւիկեան դրօշով» (1932-1953 թուականներ) թերթին։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։