Կոնդակ
Կոնդակ (յունարէն՝ κοντάκιον), Հայրապետական թուղթ, հովուական գիր։
Ունի տարբեր կիրառումներ.
- Կոնդակ - հայ մատենագրութեան մէջ եւ եկեղեցական կիրառութիւններուն մէջ՝ կը նշանակէ կաթողիկոսական (երբեմն նաեւ առաջնորդ-եպիսկոպոսի) թուղթ, նամակ, ուղերձ, շրջաբերական, կտակ։ Այսօր եւս կոնդակին գլանաձեւ փաթոյթի ձեւ կը տրուի, ճակատը կը զարդարուի՝ կաթողիկոսական-եպիսկոպոսական խորհրդանիշանով եւ մանրանկարներով։ Կ՛ունենայ պատմական քաղաքական, ընկերա-տնտեսական, իրաւա-վարչական, ազգային-հասարակական, մշակութային, կրթական եւ այլ բովանդակութիւն։ Ուստի կոնդակը երբեմն ալ կարեւոր պատմական սկզբնաղբիւր է։[1]
- Կոնդակ - գլանաձեւ ձող, գաւազան, փաթոյթ։
- Կոնդակ - հոգեւոր օրհներգ, յորդորակ, տաղ, մաղթանք։ V-VII դարերուն ուղղափառ եկեղեցիներուն մէջ՝ երգասացութեան հիմնական ժանր։
Աղբիւրներ
Խմբագրել- ↑ Հայկական Սովետական Հանրագիտարան
|
Ասիկա անաւարտ յօդուած մըն է։ Դուք կրնաք օգնել Ուիքիփետիային՝ զայն ուղղելով եւ լրացնելով։ Այս նշումը հարկաւոր է փոխարինել համապատասխան թեմաթիք նշումով։ |