Մարգարիտ Բաբայեան

Մարգարիտ Բաբայեան, ծնած է 24 Դեկտեմբեր 1874-ին, իսկ մահացած է 18 Հոկտեմբեր 1968-ին: Դուստր բժշկապետ Աւետիք Բաբայեանի, կ’աւարտէ նախ Թիֆլիսի կայսերական երաժշտանոցը՝ իբրեւ դաշնակահարուհի, կ’անցնի Տրէզտըն, կ’աշակերտի բրոֆ. Ֆ. Շօլցի, ուր կը սկսի երգի դասեր առնել. Թիֆլիսի կայսերական երաժշտանոցը կը հրաւիրուի իբրեւ երգեցողութեան դասատու, երկար չի մնար հոն, համաշխարհային պատրազմէն առաջ Բարիզ կը հաստատուի ուր ցարդ ունի իր երգանոցը: Օրիորդ Մ. Բաբայեան շատ մը նշանաւոր երգիչներ մարզած է, իր աշակերտն է օրինակ նշանաւոր Բօլ Տըրէն, որ վերջերս (1938) Գահիրէ արքայական օբերայի թատրոնին մէջ երգեց բուռն ծափեր խլելով:

Օր. Բաբայեան, մեծատաղանդ երգչուհին, Կոմիտաս վարդապետի մաս մը ժողովրդային երգերը դաշնաւորած է:

Աղբիւրներ Խմբագրել

Հայ Հանրագիտակ, Հ. Մկրտիչ Վարդ. Պոտուրեան, 1938, Պուքրէշ, Հատոր Բ., էջ 338: