Միհրան Ասքանազեան

Միհրան Ասքանազեան (1854 - 1904), հայ գրող, խմբագիր, մանկավարժ։

Միհրան Ասքանազեան
Ծնած է	1854
Ծննդավայր	Կ. Պոլիս
Մահացած է	20 Դեկտեմբեր 1904
Ազգութիւն	հայ
Մասնագիտութիւն	Մանկավարժ, գրող, հրապարակագիր, խմբագիր
Ամուսին	Կատարինէ Յակոբեան

Կենսագրութիւն

Ծնած է Կ. Պոլսոյ Գատըգիւղ թաղամասը։ Անդրանիկ սանն է Պոլսահայ մանկավարժ ու հրապարակագիր՝ Ռեթէոս Պէրպէրեանի։ Պատանի տարիքէն նետուած է ուսուցչական ասպարէզ, դասաւանդելով հայ լեզու։ Ուսուցչագործած է Պոլսոյ Կեդրոնական, Պէրպէրեան, Արամեան, Մեզպուրեան վարժարաններուն մէջ։ Տնօրէն եղած է Ռոտոսթոյի ազգային վարժարանին։ 1896-ին գաղթած է Եգիպտոս։ Հոն շարունակած է վարել ուսուցչական պաշտօններ մինչեւ իր մահը՝ 20 Դեկտեմբեր 1904-ին։

Աշխատութիւններ

Ասքանազեան 4 Յունուար 1891էն սկսեալ հրատարակած է «Ծաղիկ Մանկանց» կրթական շաբաթաթերթը՝ 22 թիւ, որ Պոլսահայ ուսուցիչներու կողմէ գրուած մասնագիտական յօդուածներ կը պարունակէր։ Եգիպտոս տեղափոխութենէն ետք՝ 1903 - 1904-ին հիմնած է տպարան, ուրկէ լոյս ընծայած է «Պարտէզ» գրական, գիտական, մանկավարժական թերթը, որ իր մահուամբ կը դադրի գիրծելէ։«Պարտէզ»ի մէջ հեղինակած է «Մտային Հովեր» անուն յօդուածաշարք մը։ Աշխատակցած է նաեւ Եգիպտոսի «Փեթակ» հանդէսին՝ «Մեղրածած» ծածկանունով:

Երկեր

Գրագիտութիւն (երեք հատոր), Պոլիս, 1884

Հոմանիշներու Բառարան (անտիպ)

Աղբիւրներ

Պոտուրեան Հ. Մկրտիչ Վ., Հայ Հանրագիտակ, Հատոր Բ., Պուքրէշ, 1938