Միրնա Տուզճեան
Միրնա Տուզճեան (31 Մայիս 1980, Լոս Անճելըս, Քալիֆորնիա, Ամերիկայի Միացեալ Նահանգներ), դասախօս, «Բագին»ի Խմբագրական խորհուրդի անդամ[1]։
| Միրնա Տուզճեան | |
|---|---|
| Ծնած է | 31 Մայիս 1980 (44 տարեկան) |
| Ծննդավայր | Լոս Անճելըս, Քալիֆորնիա, Ամերիկայի Միացեալ Նահանգներ |
| Ուսումնավայր | Քալիֆորնիա Համալսարան (Լոս Անճելըս) |
| Մասնագիտութիւն | դասախօս |
Կենսագրական գիծեր
ԽմբագրելԾնած է Քալիֆորնիոյ Լոս Անճելըս գաւառը։ Նախնական եւ երկրորդական կրթութիւնը Ռոզ եւ Ալէք Փիլիպոս ազգային վարժարանէն ստանալէ ետք, Քալիֆորնիոյ համալսարանի Լոս Անճելըսի մասնաճիւղը (UCLA) հետեւած է համեմատական գրականութեան ճիւղին եւ աւարտած բարձր պատուոյ յիշատակութեամբ (summa cum laude)։
2013 թուականին նոյն համալսարանէն արժանացած է դոկտորական տիտղոսի, մասնագիտանալով համեմատական գրականութեան մէջ եւ աւարտաճառը գրելով յետխորհրդային հայ եւ ռուս գրականութեան մասին։
Իբրեւ այցելու դասախօս, միջազգային գրականութեան գլուխգործոցները, ֆիլմ եւ համեմատական գրականութիւն յաջորդաբար դասաւանդած է Ֆիլատելֆիոյ «Թեմփըլ» համալսարանը, Քալիֆորնիոյ նահանգային համալսարանի Ֆրեզնոյի մասնաճիւղը եւ Քալիֆորնիոյ համալսարանի Լոս Անճելըսի մասնաճիւղը։
Ներկայիս դասախօս է Քալիֆորնիոյ համալսարանի Պըրքլի մասնաճիւղը (U.C. Berkeley)[2], ուր հայոց լեզու եւ գրականութիւն կը դասաւանդէ[3]։
Ծանօթագրութիւններ
Խմբագրել- ↑ «Սփյուռքահայ հայտնի բանաստեղծուհին` «Բագին»-ի խմբագիր»։ asekose.am։ 2016-04-16։ արտագրուած է՝ 2024-04-08
- ↑ «Unpacking Armenian Studies: Unpacking Armenian Studies with Dr. Myrna Douzjian»։ armenianstudies.libsyn.com (անգլերէն)։ արտագրուած է՝ 2024-04-08
- ↑ «ՏՈՒԶՃԵԱՆ ՄԻՐՆԱ»։ Pakine (en-US)։ արտագրուած է՝ 2024-04-08