Նոպէլեան Թանգարան
Նոպէլեան թանգարան (շուէտ.՝ Nobelmuseet), կը գտնուի նախկին սակարանի շէնքին մէջ (Börshuset), կեդրոնական Սթոքհոլմի հին քաղաքին՝ Կամլա Սթանի (թարգմանաբար՝ Հին Քաղաք) Սթուրդորետ (Մեծ Հրապարակ) հրապարակի հիւսիսային կողմը: Նոյն շէնքին մէջ կը գտնուին նաեւ Շուէտական ակադեմիան եւ Նոպէլի գրադարանը: Նոպէլեան թանգարանին մէջ կը պահուին տեղեկութիւններ Նոպէլեան մրցանակի եւ Նոպէլեան մրցանակակիրներու, ինչպէս նաեւ տեղեկութիւններ մրցանակի հիմնադիր Ալֆրէտ Նոպէլի (1833–1896) մասին: Թանգարանի մշտական ցուցադրութեան մէջ ներառուած են Նոպէլեան դափնեկիրներու կողմէ նուիրաբերուած բազմաթիւ նմոյշներ, որոնք ներկայացուած են անոնց կենսագրութիւններուն հետ միասին[2]:
Նոպէլեան Թանգարան | |
|---|---|
 | |
| Տեսակ | թանգարան |
| Երկիր |
 Շուէտ |
| Տեղագրութիւն | Սթոքհոլմ |
| Վայր | Կամլա սթան |
| Նստավայր | Սթոքհոլմ, Շուէտ |
| Հասցէ | Stortorget 2, 103 16 StockholmStortorget? |
| Հիմնադրուած է | 1 Ապրիլ 2001[1] |
| 59°19′31″N 18°04′15″E / 59.3252155°N 18.0708309°E | |
| Կայքէջ | nobelprizemuseum.se |
 | |
 | |
Պատմութիւն
Խմբագրել.JPG)
Նոպէլեան թանգարանը բացուած է 2001-ի գարնան՝ Նոպէլեան մրցանակի 100-ամեակի առիթով: Ըստ թանգարանի յայտարարութեան, թանգարանին նպատակն է վառ պահել Նոպէլեան դափնեկիրներու եւ անոնց ձեռքբերումներուն, ինչպէս նաեւ Նոպէլեան մրցանակի եւ Ալֆրէտ Նոպէլի յիշատակը: Այս նպատակին հասնելու համար թանգարանը կ՛առաջարկէ ցուցահանդէսներ, շարժանկարներ, թատերական ներկայացումներ եւ գիտութեան վերաբերող բանավէճեր. ի լրումն գինետան եւ խանութի: Թանգարանային ցուցահանդէսներուն ներկայացուած են անուանի Նոպէլեան դափնեկիրներ, ինչպիսին են՝ Մարի Քիւրին, Նելսոն Մանտելան, Ուինսթըն Չըրչիլը[3][4]:
Թանգարանին մէջ յաճախ կը կազմակերպուին ստեղծագործական ցուցահանդէսներ, ինչպիսին են՝ «Գիտութեան ուրուագիծեր», 42 Նոպէլեան դափնեկիրներու լուսանկարներու ցուցահանդէս, որոնք լուսանկարուած են իրենց Նոպէլեան յայտնագործութեան ուրուագիծով: Այս ցուցահանդէսը ներկայացուած է նաեւ աշխարհի այլ վայրերու՝ Տուպայի եւ Սինկափուրի մէջ[5][6]:
Այցելուները կրնան այցելել յուշանուէրներու խանութ, ուր կան Ալֆրէտ Նոպէլի եւ Նոպէլեան թանգարանին վերաբերեալ իրեր: Ամենատարածուած իրերէն մէկը Ալֆրէտ Նոպէլի ոսկիէ մետալն է, որ պատրաստուած է մուգ տուրմէ: Միւսը շուէտական «տինամիդ» քաղցրաւենիքն է, որ համեմուած է jalapeño պղպեղով: 2011-ին յուշանուէրներու խանութը համագործակցած է նկարիչ Արտան Մանսուրիի հետ։ Այս համագործակցութեան արդիւնքը եղած է նկարներու շարք մը, որ կը խորհրդանշէ Ալֆրէտ Նոպէլի կեանքը: Նաեւ, խանութը կ՛առաջարկէ կրթական շատ խաղալիքներ երեխաներու համար, գիրքեր Նոպէլեան մրցանակի դափնեկիրներու կողմէ եւ անոնց մասին, ինչպէս նաեւ եզակի իրեր, զորս կարելի է գտնել միայն Նոպէլեան թանգարանի խանութին մէջ[7][8]:
Թանգարանին մէջ կը գործէ նաեւ Նոպէլ գինետունը, ուր կան Նոպէլեան տուրմ, շուէտական թխուածքներ, ինչպէս նաեւ ճաշ ու ընթրիք: Գինետան մէջ կը մատուցուի նաեւ Նոպէլեան պաղպաղակ, որ կարելի է համտեսել միայն Նոպէլեան գինետան մէջ։ Նոպէլեան պաղպաղակի հետ կատարեալ է Նոպէլեան թէյը, որը սովորաբար ամէն տարի կը մատուցուի Նոպէլեան խնճոյքի ժամանակ[9][10]:
Ծանօթագրութիւններ
Խմբագրել- ↑ https://twitter.com/NobelMuseum/status/579946552787103744
- ↑ «Stockholm’s Free Museums: The Nobel Museum»։ stockholmonashoestring։ արտագրուած է՝ November 1, 2017
- ↑ «Nobelmuseet»։ routesnorth.com։ արտագրուած է՝ November 1, 2017
- ↑ «The Nobel Museum»։ stockholm.com։ արտագրուած է՝ November 1, 2017
- ↑ «“Sketches of science”»։ արխիւացուած է բնօրինակէն-էն՝ 2017-06-13-ին։ արտագրուած է՝ 2019-08-25
- ↑ «About the Nobel Museum»։ Nobel Museum։ արխիւացուած է բնօրինակէն-էն՝ 2011-08-02-ին։ արտագրուած է՝ 2007-03-18
- ↑ «Nobel Creations»։ արխիւացուած է բնօրինակէն-էն՝ 2017-09-30-ին։ արտագրուած է՝ 2019-08-25
- ↑ «Nobel Museum Gift Shop»։ արխիւացուած է բնօրինակէն-էն՝ 2017-10-01-ին։ արտագրուած է՝ 2019-08-25
- ↑ «Bistro Nobel»։ արխիւացուած է բնօրինակէն-էն՝ 2017-09-30-ին։ արտագրուած է՝ 2019-08-25
- ↑ «The Nobel Museum»։ vikingline.com։ արտագրուած է՝ November 1, 2017