Նոր Աշխարհ (թերթ, Նիւ Եորք)
«Նոր աշխարհ», քաղաքական-հասարակական եւ գրական շաբաթաթերթ։ Ամերիկայի բանուորական (համայնավարական) կուսակցութեան հայկական հատուածի (1926 թուականէն), Ամերիկայի բանուորական (համայնավարական) կուսակցութեան (1928 թուականէն), ապա՝ Ամերիկայի համայնավարական կուսակցութեան (1929 թուականէն) պաշտօնաթերթ։
| Նոր Աշխարհ | |
|---|---|
| Տեսակ | պարբերաթերթ |
| Լեզու | արեւմտահայերէն |
| Հիմնադրուած է | 1926 |
Պատմութիւն Խմբագրել
Լոյս տեսած էլ 1926-1930 թուականներուն Նիւ Եորք։ Խմբագիրները եղած են Պատրիկ Սէլեանը, Խաչիկ Քէօսէեանը, Մարտիկ Մարթենցը։
Պարբերականը «Պրոլետար» շաբաթաթերթի շարունակութիւնն է։ Հանդէս եկած է միջազգային բանուոր-յեղափոխական շարժման օգտին, ամերիկահայ աշխատաւոր խաւը համախմբել բանուորական կուսակցութեան շուրջ։
Հրապարակած է «Քոմինթերն»ի կոչերը, Ա. Միասնիկեանի յօդուածները, միջազգային բանուորական շարժման այլ գործիչներու ելոյթներ եւ ուղերձներ։
Սփիւռքահայութեան, ՀՕԿ-երուն եւ հայրենակցական միութիւններուն կոչ ուղղած է սատարել հայրենիքի վերաշինութեան։
Գրական բաժինին մէջ տեղ գտած են սփիւռքահայ (յատկապէս՝ ամերիկահայ), խորհրդահայ հեղինակներու գեղարուեստական գործեր, հրապարակախօսական, բանասիրական նիւթեր։