Նոր Սերունդ (ամսագիր)
Նոր սերունդ, մարզական պատկերազարդ ամսագիր։ Լոյս տեսած է 1926-1929 թուականներուն, Աթէնքի մէջ։ Խմբագիր՝ Ա. Տէր-Յակոբեան։ Շարունակած է յունահայ մարզական պարբերականներու աւանդոյթները, լուսաբանած է Հայաստանի եւ այլ երկիրներու մարզական կեանքը, ներկայացուցած է հայ անուանի մարզիկներուն։ Հանդէսը անդրադարձած է անթիք աշխարհի մարզական պատմութեան, նշած մարզանքի ազդեցութիւնը հին յունական արուեստին վրայ։ Կարեւորած է մարզանքի դաստիարակչական եւ առողջապահական բնոյթը, այդ առնչութեամբ տպագրած է անուանի բժիշկներու ու մանկավարժներու յօդուածներ։