Շարպէլ Մախլութ
Սուրբ Շարպէլ Մախլուֆ (աւազանի անունով Եուսէֆ Մախլուֆ, արաբերէն՝ شربل مخلوف, 8 Մայիս 1828[1][2][3], Bekaa Kafra, Bsharri District, Հիւսիսային Լիբանան, Լիբանան - 24 Դեկտեմբեր 1898[1][2][3], Annaya, Պիպլոս-Ճըպէյլ, Լեռնային Լիբանանի նահանգ, Լիբանան), Մարոնի համայնքի վանական։
| Շարպէլ Մախլութ | |
|---|---|
 | |
| Ծնած է | 8 Մայիս 1828[1][2][3] |
| Ծննդավայր | Bekaa Kafra, Bsharri District, Հիւսիսային Լիբանան, Լիբանան |
| Մահացած է | 24 Դեկտեմբեր 1898[1][2][3] (70 տարեկանին) |
| Մահուան վայր | Annaya, Պիպլոս-Ճըպէյլ, Լեռնային Լիբանանի նահանգ, Լիբանան |
| Կրօնք | Մարոնի Կաթոլիկ Եկեղեցի |
| Մասնագիտութիւն | Քրիստոնեայ հոգեւորական, սքանչելագործ, վանական |
| Կայքէջ | saintcharbel.com |
Կենսագրական գիծեր Խմբագրել
Ծնած է Պքաաքաֆրա շրջանի Աննայա գիւղը՝ բազմանդամ զաւակներով ընտանիքի մը յարկին տակ։ Փոքրիկ հասակին որբած է հօրմէն ու մայրը ամուսնացած է հաւատացեալ մարդու մը հետ, որ ապա ընդուուած է սարկաւագական ձեռնադրութիւնը։ Խորդ հօր տիպարը մեծ ազդեցութիւն ունեցած է Շարպէլի կեանքի ընտրանքին վրայ եւ 22 տարեկանին որոշած է մտնել Մայֆուք Տիրամօր վանք, ուր ամփոփուած է աղօթքի մէջ ընտրելով Շարպէլ անունը[4], որ կը նշանակէ «Աստուծոյ Պատմութիւնը»։
Նորընծայական շրջանը աւարտելէ ետք փոխադրուած է Սուրբ Մարոնի Աննայա վանք[5], ուր 1853-ին կատարած է իր մշտնջենաւոր ուխտերը, ապա փոխադրուած է Սան Չիփրիանօ Տի Քֆիֆէն, ուր հետեւած է փիլիսոփայական եւ աստուածաբանական ուսումներու։
1859-ի Յուլիս 23-ին կուսակրօն քահանայ ձեռնադրուելէ ետք մեծաւորները զինք դարձեալ ուղարկած են Աննայայի Մենաստան, ուր իր մէջ զարգացած է մենակեաց կեանք ապրելու կոչումը ու մեծաւորներու հրամանով՝ 13 Փետրուար 1875-ին, քաշուած է ճգնարան․ նոյն տեղը ան կնքած է իր մահկանացուն՝ 24 Դեկտեմբեր 1898-ին։
Սուրբ Շարպէլ ճանչցուած է որպէս Լիբանանի «Փատրէ Փիոն» ու բազմաթիւ են անոր յետ մահու գործած հրաշքները։
1950-ին մենակեաց Շարպէլ Մախլուֆի գերեզմանը կը բացուի քննիչ յանձնախումբի մը ներկայութեամբ, որ անոր մարմինը կը գտնէ անաղարտ։
Սուրբ Շարպէլ Մախլուֆը մեծարուած է բազմաթիւ երկիրներու մէջ ու անոր հսկայական արձաններէն մին կը գտնուի նաեւ Վատիկանի մէջ։
Ծանօթագրութիւններ Խմբագրել
- ↑ 1,0 1,1 1,2 1,3 1,4 Բրոքհաուզի հանրագիտարան
- ↑ 2,0 2,1 2,2 2,3 2,4 GCatholic.org — 1997.
- ↑ 3,0 3,1 3,2 3,3 3,4 Schäfer J. Ökumenisches Heiligenlexikon — 1998.
- ↑ «Monastery of St. Maron "Saint Charbel"»։ արխիւացուած է բնօրինակէն-էն՝ 2016-03-04-ին։ արտագրուած է՝ 2012-07-24
- ↑ "Lebanese St. Charbel Makhlouf known for miraculous healings and uniting Christians and Muslims". Brockhaus, Hannah. Catholic News Agency. January 10, 2019.