Չարլզ Պիքֆորտ
Չարլզ Էմբրոուզ Պիքֆորտ (անգլերէն՝ Charles Ambrose Bickford , 1 Յունուար 1891[1], Քեմբրիջ, Մասսաչուսէթս, Ամերիկայի Միացեալ Նահանգներ - 9 Նոյեմբեր 1967[1], Լոս Անճելըս, Ամերիկայի Միացեալ Նահանգներ), թատրոնի, շարժանկարի, հեռատեսիլի ամերիկացի դերասան, երկրորդ կարգի դերերու յայտնի կատարող: Երեք անգամ առաջադրուած է որպէս «Օսկար»ի մրցանակակիր:
| Չարլզ Պիքֆորտ | |
|---|---|
 | |
| Ծնած է | 1 Յունուար 1891[1] |
| Ծննդավայր | Քեմբրիջ, Մասսաչուսէթս, Ամերիկայի Միացեալ Նահանգներ |
| Մահացած է | 9 Նոյեմբեր 1967[1] (76 տարեկանին) |
| Մահուան վայր | Լոս Անճելըս, Ամերիկայի Միացեալ Նահանգներ |
| Քաղաքացիութիւն |
 Ամերիկայի Միացեալ Նահանգներ |
| Մայրենի լեզու | անգլերէն |
| Ուսումնավայր | Everett High School? |
| Տեսակ | արկածախնդրական |
| Մասնագիտութիւն | շարժապատկերի դերասան, հեռատեսիլի դերասան, թատրոնի դերասան |
Երիտասարդութիւն
ԽմբագրելՊիքֆորտը ծնած է Քեմպրիճ՝ Մասաչուսեթս նահանգը, 1891 թուականին: Ծնողները Լորեթուս եւ Մերի Ելէն Պիքֆորտներն են: Չարլզը ընտանիքին եօթ երեխաներէն հինգերորդն է: Մանկութենէն առանձնացած է իր ինքնուրոյնութեամբ եւ անհնազանդութեամբ, իսկ ինը տարեկանին զայն դատած են մեքենավարի դէմ մահափորձ կատարելու համար, որ իր բեռնասայլակով պատահաբար սպանած է անոր շունը, բայց արդարացած է: Ըլլալով դեռահաս՝ շատ ճամբորդութիւններ կատարեց Ամերիկայի մէջ: Մինչեւ դերասան ըլլալը՝ Պիքֆորտը աշխատած է որպէս անտառահատ, զբաղած է տնտեսական խնդիրներով: ԱՄՆ-ի ռազմածովային ուժերու մէջ եղած է հրշէջ-փրկարար: Իր կեանքի յաջորդ 16 տարիները Պիքֆորտը անցուցած է բեմարուեստով:
Գործունէութիւն
ԽմբագրելՊիքֆորտը պատրաստուած էր ընդունուիլ Մասաչուսեթսի արուեստագիտական համալսարանը, բայց Ամերիկայի ճամբորդութիւններու ժամանակ ան ծանօթացած է պուրլեսկ շոուի բեմադրիչի հետ, որ համոզած է զինք մասնակցիլ ներկայացումներուն: Անոր առաջնախաղը տեղի ունեցած է 1911 թուականին, Քալիֆորնիոյ Օքլենտ քաղաքին մէջ: Պիքֆորտը սիրած էր խաղալ, այդ իսկ պատճառով ան հրաժարեցաւ համալսարանի ուսումէն: 1912 թուականին ան առաջին անգամ բեմ բարձրացաւ Պոսթոնի Castle Square թատրոնին մէջ: 1925 թուականին քննադատներու կողմէ ստացած է հիանալի արձագանգներ՝ Պրոտուէի Outside Looking In բեմախաղարկութեամբ: Ան կապ հաստատած էր բեմադրիչ Սեսիլ Պլաունտ Տէ Միլայի հետ եւ պայմանագիր ստորագրած՝ Մեթրօ-Կոլտուին-Մայերի հետ՝ ստանալով գլխաւոր դեր Տէ Միլայի «Տինամիտ» (1929) առաջին ձայնային ֆիլմին համար:
Ան դարձաւ աստղ «Աննա Քրիստի» (1930) ֆիլմով, խաղալով հերոսուհիի՝ Կրետա Կարպոյի սիրականի դերը, բայց ան չէր սիրեր ռոմանթիք դերեր խաղալ: Նկարահանումներու ժամանակ Պիքֆորտը յաճախ ցուցաբերած էր յամառութիւն եւ հարցերը լուծած էր ուժի միջոցով՝ հարուածած էր Տէ Միլային «Տինամիտ»ի նկարահանումներու ժամանակ եւ քիչ մնացած էր կռուեր Մայերի հետ: Շուտով դադրեցաւ Մեթրօ-Կոլտուին-Մայերի հետ պայմանագիրը, բայց ատոր հետ մէկտեղ ան յայտնուեցաւ սեւ ցուցակի մէջ այլ շարժանկարի բեմերուն վրայ: Տարիներ շարունակ ան խաղցած էր աննշան ֆիլմերու մէջ:
1935 թուականին արեւմտեան Ճաւայի նկարահանման ժամանակ, ան առիւծի յարձակումէն ստացաւ լուրջ վնասուածքներ: Երբ ան առողջացաւ, կորսնցուց ոչ միայն «Ֆոքս»ի (Fox) հետ պայմանագիրը, այլ նաեւ պարանոցին վրայ մնացած սպիներու պատճառով չկարողացաւ խաղալ գլխաւոր դերեր: Յետոյ Պիքֆորտը սկսաւ խաղալ երկրորդ կարգի բնորոշ դերեր, դառնալով Հոլիվուտի ամենապայծառ դերասաններէն մէկը, խաղալով այնպիսի յայտնի ժապաւէններու մէջ, ինչպէս՝ «Մարդը հարթավայրէն» (193), «Բերնադէտի երգը» (1943), «Մենամարտ արեւի տակ» (1946), «Ագարակի աղջիկը» (1947), «Ճոնի Պելինտա» (1948), «Աստղ ծնած է» (1954), «Ոչ այնքան օտար» (1955) եւ «Չներուածը» (1960):
Պիքֆորտը շատ յայտնի դարձաւ իր արտաքին տեսքին շնորհիւ՝ միջին տարիքի նիհար տղամարդ, հաստ, կոպիտ ձայնով: Շատ յաճախ ան կատարած էր սիրալիր հօր, կոպիտ գործատիրոջ, մարզիկի դերերը: 1940-ական թուականներուն երեք անգամ առաջադրուած եւ ստացած է Օսկար, իբրեւ երկրորդ կարգի լաւագոյն դերասան: Պարպարա «Սթենվիքի Շոու»-ի եւ «Տասնմէկերորդ ժամ» բժշկական տրամայի հրաւիրուած աստղ եղած է:
1965 թուականին հրապարակած է «Bulls Balls Bicycles & Actors»-ի ինքնակենսագրութիւնը:
Մահ
ԽմբագրելՉարլզ Պիքֆորտը մահացած է Լոս Անճելըս, արեան վարակէն, եօթանասունվեց տարեկանին. ատկէ քանի մը օր առաջ նկարահանուած էր «Վիրճինացի» տեսաշարքի մասերէն մէկուն մէջ: