Պոսթըն Սելթիքս

Պոսթըն Սելթիքս (անգլերէն՝ Boston Celtics), Ամերիկեան արհեստավարժ պասքեթպոլի ակումբ։ Կը գտնուի ԱՄՆ Մասաչուսեց (Massachusetts) նահանգի վարչական կեդրոն Պոսթըն քաղաքի մէջ։ Հանդէս կու գայ պասքեթպոլային ազգային միութեան (NBA) արեւելեան համաժողովի Ատլանտեան բաժանմունքին մէջ։

Ակումբը հիմնադրուած է 1946 թուականին եւ ընդհանուր առմամբ NBA-ի առաջնութիւնը 17 անգամ յաղթած է՝ մրցանիշով (record)։

1957-1969 թուականներու ընթացքին «Սելթիքսը» 13 անգամ նուաճած է NBA-ին գաւաթը, միաժամանակ 1959-1966 թուականներուն միջեւ ունեցած է 8 յաղթանակած առաջնութիւններու շարան։ «Սելթիքսը» շարունակած է գերակայող մնալ՝ ուշ 1950-ականներուն եւ վաղ 1980-ականներուն ընթացքին, կազմին մէջ ունենալով շարք մը այնպիսի «փառքի սրահ»ի անդամներ, ինչպիսիք են Պիլ Ռասելը (William Felton "Bill" Russell), Ճոն Հաւլիչեքը (John Havlicek), Պոպ Քոուզին, Լարի Պըրտ-ը (Larry Joe Bird) եւ մարզիչ Ռետ Աուերպաք-ը (Red Auerbach)։ 1986 թուականին խումբը կը նուաճէ 16-րդ բաժակը։ Այդ ընթացքին խումբի «մեծ եռեակը» բաղկացած էր Լարի Պըրտէն (Larry Joe Bird), Քեւըն Մաքհէյլէն (Kevin Edward McHale) եւ Ռոպերթ Փերիշէն (Robert Lee Parish)։ Երբ խումբին աստղային եռեակը կ՝աւարտէ մարզական ընթացքը, Աուերպաքը լուրջ ռազմավարական քայլեր կը մշակէ եւ կը կարողանայ ձեռք բերել մօտակայ նախագիծին երկրորդն ընտրելու հնարաւորութիւնը, եւ այն օգտագործելով իր խումբին մէջ կը պաշտօնաբերէ կամ կը զօրակոչէ Լեն Պայասը, որ սակայն նախագիծէն ընդամէնը երկու օր անց կը կնքէ իր մահկանացուն։ Աւելի ուշ սրտամկանի կաթուածէն կը մահանայ նաեւ խումբին առաջատար պասքեթպոլ խաղցող Ռեճի Լուիսը։ «Սելթիքսը» երկար տարիներ չի կրնար լիկային մէջ նշանակալի յաջողութիւններու հասնիլ։

Խումբը նոր թափով կը սկսի հանդէս գալ 2007-08 մրցաշրջանին ընդառաջ՝ «Մինեսոթա Թիմպերվուլվզէն» (Minnesota Timberwolves) 17 պասքեթպոլ խաղցողի դիմաց ձեռք բերելով Քեւին Կառնեթը (Kevin Maurice Garnett) եւ «Սիեթլ Սուփըրսոնիքս»էն՝ (The Seattle SuperSonics) Ռէյ Ալընին (Walter Ray Allen, Jr.), որոնք միանալով խումբի աւագ՝ Փոլ Փիրսի (Paul Anthony Pierce) հետ, կը ձեւաւորեն 21-րդ դարու պոսթընեան նոր «մեծ եռեակը»։ Նոյն տարին խումբը կը նուաճէ 17-րդ (եւ թերեւս վերջին) բաժակը, ինչպէս նաեւ 2010 թուականի Արեւելեան համաժողովի տիտղոսը։

«Սելթիքսի» գլխաւոր հակառակորդը արեւմուտքի մէջ կը համարուի «Լոս Անճելըս Լէյքըրզ»-ը։ Պատմութեան մէջ խումբերը NBA-ի գերեզրափակիչներուն ընդհարուած են մրցանիշով՝ 12 անգամ, որոնցմէ 9-ը յաղթած է «Սելթիքսը», իսկ 3-ը՝ «Լէյքըրզը»։

Ակումբի բախտբերն է Լաքի լեփրեքոնը (Lucky Leprechaun), որուն կերպարը մշակութային վերագրութիւն է Պոսթըն քաղաքի իրլանտական արմատներուն։

Ակումբի Պատմութիւն

Վաղ Տարիներ (1946–50)

Ակումբը հիմնադրուած է 1946 թուականին՝ «Պոսթըն Կարտըն-արենա» (Boston Garden-Arena Corporation) ընկերութեան նախագահ Ուոլթըր Պրաունի (Walter A. Brown) կողմէն՝ որպէս Ամերիկեան պասքեթպոլային միութեան մաս «Basketball Association of America», իսկ 1949 թուականի աշնան՝ պասքեթպոլի ազգային լիկայի (National Basketball League) սպառումէն ետք, խումբը կը մտնէ նորաստեղծ պասքեթպոլի ազգային միութեան կազմին մէջ։ 1950 թուականի նախագիծի ժամանակ «Պոսթըն Սելթիքս»ը (անգլերէն՝ Boston Celtics), կ՝ընտրէ Չաք Քուփըրին (Chuck Cooper) եւ այդ կերպ կը դառնայ առաջին պասքեթպոլային ակումբը, որ պայմանագիր կը կնքէ աֆրո-ամերիկացի պասքեթպոլ խաղցողին հետ։