Պուրծի (յուն․՝ Μπούρτζι), Թալասոփիրղոս եւ կամ Քասթելի․ փոքրիկ կղզիակ Նաֆփլիօ նաւահանգիստին մէջտեղը, Արղոլիքոս ծոց։ Քասթելի անունը վենետիկցիները տուած են, իսկ Պուրծի՝ օսմանցիները։

Կղզիակ
Պուրծի բերդ
Μπούρτζι
Պուրծի
Երկիր Էգէական ծով, Յունաստան
Հիմնադրուած է՝ 1473
Տարածութիւն 0,004 քմ²
ԲԾՄ 0 մեթր
Բնակչութիւն 0 մարդ (2011)
Կը գտնուի ափին Արղոլիքոս ծոց
Ժամային գօտի UTC+2 եւ UTC+3։00

Տեղեկութիւններ Խմբագրել

Բերդը կառուցած են վենետիկցիները։ 1473-ին զայն կ՛ օժտեն արդի հրազէններով։ 1502-ին կ՛ ամրացնեն Աքրոնաֆփլիային հարաւ-արեւմտեան մասը՝ զայն կը վերածեն պատնէշներով մարտկոցի մը որ կը միանայ արուեստական քարափի մը։ Քարափը յատուկ շղթայով մը կը կապուէր որ կը հասնէր Թալասոփիրղօ (Պուրծի)։ Այս ձեւով նաւահանգիստը եւ քաղաքը կը պաշտպանուէր․ անկէ առաջացած է «Լիմենաս թիս Ալիսու» Λιμένας της Αλύσου անունը (Շղթայակապ նաւահանգիստ)։

Քարլովիչի Դաշինքէն ետք վենետիկցիները կղզիակին վրան կը կառուցեն հզօր ամրոց մը՝ մարտկոցներով եւ հրազէններով։

Քարլովիչ Դաշինք․ 26 Յունուար1699-ին ստորագրուած դաշինք պարտուած օսմանեան կայսրութեան եւ յաղթական Դաշնակիցներուն (Հապսպուրկ կայսրութիւն, Լեհալիթուանեան հասարակապետութիւն, Վենետիկի Հանրապետութիւն եւ Ռուսական կայսրութիւն) միջեւ։

Յունական Ապստամբութեան (1821) ընթացքին, Թալասոփիրղոս կամ Պուրծի 1822-ին կը գրաւեն յունական ուժերը (50 զինեալ եւ 150 հրկիզող) ֆրանսացի Ֆ․ Կիւրտենի հրամանատարութեան տակ։ Անոնք Պուրծիէն կը ռմբակոծէին Նաֆփլիօ քաղաքը, յաջողելով կասեցնել թուրքերուն ապօրինի պարենաւորումը անգլիական նաւէ մը։

1930-ին կը վերանորոգուի եւ առաջին կարգի հիւրանոցի (12 սենեակներով) կը վերածուի մինչեւ 1970-ական թուականներուն։

Պատկերասրահ Խմբագրել

[1] [2] [3] [4]

Ծանօթագրութիւններ Խմբագրել

Արտաքին յղումներ Խմբագրել

  1. Քարլովիչ դաշինք(յունարէն)