Ռիօ Կրանտէ

Ռիօ Կրանտէ (անգլ․՝Rio Grande, սպան․՝Río Bravo կամ Río Bravo del Norte)․ Հիւսիսային Ամերիկայի գետ, Քոլորատօ նահանգ, Ա․Մ․Ն․։

Ռիօ Կրանտէ
(անգլ․՝ Rio Grande սպան․՝ Río Bravo կամ Río Bravo del Norte)
Ռիօ Կրանտէ գետ
Բնութագիր
Երկայնք	3․051 քմ
Ջրահոսք
Ակունք	Քապի լեռ Սան Խուան լեռնաշղթայ Քոլորատօ
Գետաբերան	Մեքսիքայի ծոց
· Բարձրութիւն	0 մ
Տեղակայում
Երկիր	Ա․Մ․Ն․

Ընդհանուր տեղեկութիւններ

Գետը բնական սահմանն է Ա․Մ․Ն․ Թեքսաս նահանգին եւ Մեքսիքոյի Ցիուաուա, Քոաուիլա, Նուէվօ Լէոն եւ Թամաուլիբաս նահանգներուն միջեւ։ Բնիկ հնդիկները զայն Բոսոկէ կ՛անուանէին․ «բոսոկէ» մեծ գետ կը նշանակէ։

Ռիօ Կրանտէ կը բխի Սան Խուան լեռներէն, 3․650 մ․ բարձրութեան վրայ։ Ան դէպի հարաւ-արեւելք հոսելով կը թափի Մեքսիքայի ծոցը։

Գետին հոսքը կ՛երկարի 3․051քլ ջրակալ աւազանին տարածքը 472․000 քլ² է։ Անոր գլխաւոր հարկատուներն են Բեքոս, Ռիօ Քոնչոս եւ Ռիօ Սալադօ գետերը։

Հետազօտութիւն

Գետէն մաս մը պարբերաբար հետազօտուած է շրջանը ներխուժող ու գրաւած սպանացերէն․ Ալվար Նունիեթ Քապեթա տէ Վաքա՝ 1535-1536, Ֆրանսիսքօ Վասքես տէ Քորոնադօ՝ 1540։ Գետը կը հետազօտուի նաեւ ԺԸ․ դարուն, սակայն ճշգրիտ քարտէսագրութիւնը կը կատարուի 1848-ին Կուատալուբէ Իդալկօ Դաշնագիրին համար, երբ Ռիօ Կրանտէ կ՛որոշուի Ա․Մ․Ն․ եւ Մեքսիքայի սահմանը ըլլալ։

Գետին ջուրերու օգտագործում

Ի․ դարասկիզբին, գետին ջուրերը կը շահագործուին գետաւազանի արտերուն ոռոգման համար։ Ռիօ Կրանտէին ջուրերուն 80% այս ուղղութեամբ կ՛օգտագործուի։

Պատկերասրահ

• 
  Ռիօ Կրանտէ․ Ա․Մ․Ն․ եւ Մեքսիքայի սահմանին երկայնքին
• 
• 
  Նորթ Վալէյ, Նիու Մեքսիքօ շրջանէն դիտուած
• 
  Ռիօ Կրանտէ․Կեդրոնական Նիու Մեքսիքօ
• 
  Ռիօ Կրանտէին վերին հոսքը, Քոլորատօ
• 
  Ռիօ Կրանտէ․ Միեր քաղաքապետութիւն, Թամաուլիբաս, Մեքսիքօ