Սալման Խան

Սալման Խան (հնդկերէնով` सलमान ख़ान, ամբողջ անունը` Ապտուլ Ռաշիտ Սալիմ Սալման Խան) ծնած է 27 Դեկտեմբեր 1965-ին, Իտաուր, Մատհիա Պրադեշ, Հնդկաստան: Պոլիվուտի ամենանշանաւոր դերասաններէն մէկն է: Արժանացած է Filmfare եւ բազմաթիւ այլ մրցանակներու:

Սալման Խան
Ծնած է	27 Դեկտեմբեր 1965(1965-12-27) (58 տարեկան)
Ծննդավայր	Ինդաուր, Մադհյա Պրադեշ, Հնդկաստան
Քաղաքացիութիւն	Հնդկաստան  Միացեալ Թագաւորութիւն
Ազգութիւն	փուշտու?
Կրօնք	Իսլամութիւն
Ուսումնավայր	St. Stanislaus School? Սկինդիա դպրոց? Elphinstone College?
Երկեր/Գլխաւոր գործ	Maine Pyar Kiya?, Hum Aapke Hain Koun..!?, Bodyguard?, Dabangg?, Dabangg 2? եւ Ek Tha Tiger?
Մասնագիտութիւն	Շարժապատկերի դերասան, ժապաւէն արտադրող, հեռուստահաղորդավար, երգիչ
Ծնողներ	հայր՝ Սալիմ Խան?, մայր՝ Sushila Charak Singh Khan?
Կայքէջ	salmankhan.com
Ստորագրութիւն

Կենսագրութիւն

Սալման Խան ծնած է 27 Դեկտեմբեր 1965-ին, Իտաուր, Մատհիա Պրադեշ, Հնդկաստան:

Անոր հայրն է բեմադրիչ եւ գրող Սալիմ Խանը, իսկ մայրը՝ Սալմա Խանը: Ան ունի երկու դերասան եղբայրներ (բեմադրիչ Արպազ Խանը եւ դերասան ու ղեկավար Սուհէլ Խան), ինչպէս նաեւ՝ երկու քոյր (Ալուիրա եւ որդեգրուած Արփիտա): Յետագային, անոր հայրը կը վերամուսնանայ Հնդկաստանի նշանաւոր դերասանուհիներէն Հելենի հետ: Կ'ըսուի, թէ Սալման եւ իր եղբայրներն ու քոյրերը ընդունած են Հելենին, իբրեւ իրենց երկրորդ մայրը:

Սալման Խանի հայրը իսլամ էր, մայրը իսլամ-հինտուսի, իսկ Հելենը՝ քրիստոնեայ կաթոլիկ, եւ այդ պատճառով ալ անոնց ընտանիքին մէջ կը պահպանուէր երեք կրօններուն աւանդութիւններն ու սովորութիւնները՝ իսլամականը, հինտուսին եւ քրիստոնեականը:

Որոշ ժամանակ ետք անոնք ընտանիօք կը տեղափոխուին Մոմպէյ:

Դերասանական Ասպարեզ

1988-էն մինչեւ 1994

Ան հանդէս եկաւ «Biwi Ho To Aisi» ֆիլմով 1988-ին, որ կը նկատուի իր դերասանական ասպարեզին սկիզբը, թէեւ ֆիլմին մէջ անոր կ'ընկերակցէր Ռեքքան, այսուհանդերձ ֆիլմը չյաջողեցաւ:

1989-ին անոր ունեցաւ մեծ յաջողութիւն «Maine Pyar Kiya» ֆիլմով, որուն պաճառով ալ անունը առաջարկուեցաւ շատ մը մրցանակներու եւ շահեցաւ Ամենալաւ Դերասանի մրցանակը: 1991-ին ան նկարահանեց շարք մը ֆիլմեր, որոնք էին «Sanam Bewafa», «Kurbaan», «Patthar Ke Phool», «Love»: 1992-ին ան նկարահանաեց ուրիշ ֆիլմերու շարքը որուն մէջ կային «Suryavanshi», «Ek Ladka Ek Ladki», «Nishchaiy» «Jaagruti»: 1993-ին ան հանդես եկաւ հետեւեալ ֆիլմերով՝ «Dil Tera Aashiq», «Chandra Mukhi», իսկ 1994-ին ան հռչակ առաւ «Hum Aapke Hain Koun...!» ֆիլմով, անոր հետ կ'ընկերակցէր դերակատրման Մատհուրի Տիքսիդը, եւ հետեւեալ ֆիլմը մինչեւ օրս կը նկատուի Պոլիվուտի պատմութեան ամենաշատ վաստակած ֆիլմերէն մէկը: Այս ֆիլմէն զատ ան ունեցաւ ուրիշ ֆիլմեր որոնք էին «Chaand Kaa Tukdaa», «Andaz Apna Apna», «Sangdil Sanam»:

1995-էն մինչեւ 2000

1995-ին ան նկարահանեց «Karan Arjun» ֆիլմը, անոր ընկերակցեցաւ դերակատարութեւն Շահ Ռոխ Խանը, այս ֆիլմով անոր անունը կրկին առաջարկուեցաւ կարգ մը մրցանակներու, եւ դարձաւ մարտաֆիլմերու ամենանշանաւոր դեմքերէն մէկը: Ան 1995 թուականին ունեցաւ երկրորդ ֆիլմ մը «Veergati»-ին: 1996-ին ան նկարհանեց ֆիլմերու շարք մը, որոնք էին՝ «Yeh Majhdhaar», «Khamoshi: The Musical», «Jeet», «Dushman Duniya Ka», իսկ 1997-ի ան հանդէս եկաւ «Judwaa» ֆիլմով, սակայն ֆիլմը շատ մեծ յաջողութիւններ չկրցաւ ապահովել, եւ հետեւեալ ֆիլմին կրկօրինակը նկարհանուեցաւ 201--ին Վարուն Տաուանի դերակատարութեամբ, ան նկարահանեց այլ ֆիլմեր՝ «Auzaar» ֆիլմը եւ հնդկափաքիստանական վէճերը նկարագրող ֆիլմը՝ «Տասը»: 1998-ին ան հանդէս եկաւ «Kuch Kuch Hota Hai» ֆիլմով, ուր իրեն հետ դերակատարութիւն ունեցան Շահ Ռոխ Խան, Քաճուլ, Ռանի Մուքերճի։,Նոյն տարին ան ունեցաւ այլ ֆիլմեր օրինակ՝ «Pyaar Kiya To Darna Kya», «Jab Pyaar Kisise Hota Ha», «Bandhan»: 1999-ին ան հանդէս եկաւ քանի մը ֆիլմերով, որոնց շարքին են «Jaanam Samjha Karo», «Biwi No. 1», «Sirf Tum», «Hum Dil De Chuke Sanam», «Hello Brother», «Hum Saath-Saath Hain: We Stand United»։ 2000-ի ֆիլմերէն են «Dulhan Hum Le Jayenge», «Chal Mere Bhai», «Har Dil Jo Pyar Karega», «Dhaai Akshar Prem Ke», «Kahin Pyaar Na Ho Jaaye»:

2001-էն մինչեւ 2005

2001-ին ան հանդէս եկաւ «Chori Chori Chupke Chupke» ֆիլմով, անոր ընկերակցեցան Ռանի Մուքերճի եւ Փրիթի Զինդան։ Ֆիլմը յաջողութիւն գտաւ եւ Սալման Խան արժանացաւ Լաւագոյն Դերասանի մրցանակին: 2002-ին ան հանդէս եկաւ «Tumko Na Bhool Paayenge», «Hum Tumhare Hain Sanam», «Yeh Hai Jalwa» ֆիլմերով:

2003-ին ան հանդէս եկաւ իր կատարած լաւագոյն դերերէն մէկով՝ «Tere Naam» ֆիլմին մէջ։ Նոյն տարին ան ունեցաւ ուրիշ ֆիլմ մը եւս՝ «Baghban»-ը:

2004-ին ան հանդէս եկաւ ՁԻԱՀ հիւանդութիւնէ տառապող տղու մը դերակատրութեամբ։ Ֆիլմը ցոյց կւ տար այս հիւանդութեամբ տառապող անձերուն հանդէպ հանրութեան ունեցած կեցուածքը: Նոյն տարին ան նկարահանեց «Mujhse Shaadi Karogi» ֆիլմը, որ շատ մեծ ընդունելիութիւն գտաւ: Նոյն տարին ան ունեցաւ ուրիշ երկու ֆիլմեր եւս՝ «Garv: Pride and Honour», «Dil Ne Jise Apna Kaha»:

2005-ին ան հանդէս եկաւ չորս ֆիլմերով որոնք էին՝ «Lucky: No Time for Love», «Maine Pyaar Kyun Kiya», «No Entry», «Kyon Ki»:

2006-էն մինչեւ 2010

2006-ին ան հանդէս եկաւ չորս ֆիլմով՝ «Saawan... The Love Season», «Jaan-E-Mann: Let's Fall in Love... Again», «Baabul», «Shaadi Karke Phas Gaya Yaar»: