Սարգի Մուրատեան
Սարգի Մուրատեան (15 Նոյեմբեր 1931, Պէյրութ - 10 Փետրուար 2022, Լոս Անճելըս), շարժանկարի եւ հեռուստատեսիլի հանրածանօթ արտադրիչ եւ բեմադրիչ, երաժիշտ եւ դերասան:
| Սարգի Մուրատեան | |
|---|---|
| Ծնած է | Նոյեմբեր 15, 1931ին |
| Ծննդավայր | Պէյրութ |
| Մահուան վայր | Լոս Անճելըս |
| Քաղաքացիութիւն | ԱՄՆ |
| Ազգութիւն | Հայ |
| Կարողութիւն | Պատկերասփիւռի հայերէնով առաջին յայտագիրներ արտադրիչ, Երաժիշտ, բեմադրիչ, դերասան, երգերու եւ թատերգութիւններու հեղինակ |
| Մասնագիտութիւն | Շարժանկարի եւ հեռուստատեսիլի արտադրիչ |
| Գործունէութիւն | Բեմադրած է՝ «Սասունի Զաւակներ» (1973), «Երջանկութեան Արցունքները» (1975), «Սիրոյ Խոստում»ը (1978), «Մուսա Տաղի 40 Օրերը» (1982), «Ալիսիա» (2002) եւ այլ ֆիլմեր։ |
Կենսագրութիւն
ԽմբագրելՄուրատեան ծնած է Պէյրութ։ Փոքր տարիքէն երաժշտութեան եւ թատրոնի մէջ մտած է։ Յօրինած է զանազան ժողովրդական երգեր եւ բեմադրած՝ թատրերգութիւններ, նաեւ ինքն ալ դերեր ստանձնելով։
1955-ին փոխադրուած է Պոսթըն՝ երաժշտական հմտութիւնը զարգացնելու համար, իսկ 1960-ին՝ Լոս Անճելըս, հետեւելով «Արուեստներու թատրոն»ի դասընթացքներուն. ապա հոն դերեր ստանձնած է եւ աշխատած շարժապատկերի բնագաւառէն ներս։
Քանի մր տարի ետք պատրաստած է իր առաջին շարժանկարը, 1965-ին՝ «Պաղտասար Աղբար»ը, լայն ժողովրդականութիւն ապահովելով։ Ապա բեմականացուցած է այլ շարժանկարներ՝
- «Սասունի Զաւակներ» 1973-ին,
- «Երջանկութեան Արցունքները» 1975-ին,
- «Սիրոյ Խոստում»-ը 1978-ին,
- «Մուսա Տաղի 40 Օրերը» 1982-ին,
- «Ալիսիա» (2002) եւ այլ ֆիլմեր։
Մուրատեան 1978-ին հաստատած է «Հայկական Հեռուստաժամ» (Armenian Teletime) յայտագիրը։
Պատկերասփիւռի հայերէնով առաջին յայտագիրները արտադրած Սարգի Մուրատեան նաեւ շարժապատկերներ արտադրած ու բեմադրած է, հեղինակած է երգեր եւ թատերգութիւններ, ինչպէս նաեւ դերասանութիւն կատարած է։
Պարգեւներ
ԽմբագրելՀայաստանի Հանրապետութեան մշակոյթի նախարարութիւնը զինք մեծարած է, 2016-ին ։