Սերօ Աբրահամեան

Սերօ Աբրահամեան;
Ծնած է	13 Յուլիս 1925
Ծննդավայր	Աշան, Մարտունու շրջան, Լեռնային Ղարաբաղի Ինքնավար Մարզ, Ազրպէյճանական Խորհրդային Սոցիալիստական Հանրապետութիւն, Անդրկովկասի ԽՖՍՀ, Խորհրդային Միութիւն
Մահացած է	12 Յուլիս 2000 (74 տարեկանին)
Մահուան վայր	Սեւան, Գեղարքունիքի մարզ, Հայաստան
Մասնագիտութիւն	արձակագիր, բանաստեղծ
Անդամութիւն	Խորհրդային Հայաստանի Գրողներու Միութիւն եւ Հայաստանի Գրողներու Միութիւն
Կուսակցութիւն	Խորհրդային Միութեան համայնավարական Կուսակցութիւն

Սերօ Աբրահամեան (13 Յուլիս 1925(1925-07-13), Աշան, Մարտունու շրջան, Լեռնային Ղարաբաղի Ինքնավար Մարզ, Ազրպէյճանական Խորհրդային Սոցիալիստական Հանրապետութիւն, Անդրկովկասի ԽՖՍՀ, Խորհրդային Միութիւն - 12 Յուլիս 2000(2000-07-12), Սեւան, Գեղարքունիքի մարզ, Հայաստան), հայ բանաստեղծ, արձակագիր եւ Գրողներու միութեան անդամ։

Կեանք եւ գործունէութիւն

Ծնած է Արցախի Մարտունի շրջանի Աշան գիւղը։ Աբրահամեան նախնական կրթութիւնը ստացած է ծննդավայրին մէջ եւ ապա ընդունուած Ղզղալա գիւղի դպրոց:

Ան 16 տարեկան հասակին կորսնցուցած է լսողութիւնը, այդ իսկ պատճառով ուսումը կիսատ ձգելով ինքնաշխատութեամբ լաւապէս տիրապետած է մայրենի լեզուին:

Նկատի ունենալով ունեցած սէրը գիրքին ու գրականութեան հանդէպ, 1949-1963 թուականներուն ստանձնած է գիւղի դպրոցական գրադարանի, ինչպէս նաեւ մշակութային տան վարիչի ու տնօրէնի պաշտօնը:

1964 թուականին մաս կազմած է Պաքուի մէջ հրատարակուող «Կոմունիստ» հայկական թերթի խմբագրութեան^[1]։ Բանաստեղծը Պաքուի մէջ բնակութիւն հաստատած է մինչեւ 1990 թուականը, ապա վերադարձած է Հայրենիք եւ բնակութիւն հաստատած Սեւանի մէջ:

Վերադառնալով Հայրենիք, Աբրահամեան խուլերու եւ համրերու համար սկսած է հրատարակել «Խաղաղ աշխարհ» թերթը:

Աշխատութիւններ

Աբրահամեան հեղինակ է բազմաթիւ բանաստեղծութիւններու եւ արձակ գրութիւններու։ Անոր հրատարակուած աշխատութիւններէն են․

«Իմ ստորագրութիւնը»,
«Ներշնչանք»,
«Լեռնային վտակ»,
«Լեռներ իմ լեռներ»,
«Ծարաւ» եւ այլ աշխատութիւններ:

Աբրահամեան գրի առած է նաեւ Արցախեան հերոսներու կենսագրութիւններ, ինչպէս նաեւ Արցախեան ազատամարտի դրուագներ: Ան իր գրութիւնները հրատարակած է «Գրական Թերթ», «Ազատ Արցախ», «Սեւան» եւ այլ պարբերականներու մէջ^[2]:

Բանաստեղծը թաղուած է ծննդավայր Արցախի մէջ, Աշան գիւղը^[3]:

Ծանօթագրութիւններ

↑ Գրական տեղեկատու։ Երեւան: «Սովետական գրող»։ 1986։ էջ էջ 20։
↑ «ՍԵՐՕ ԱԲՐԱՀԱՄԵԱՆ (1925-2000)»։ www.jamanak.com։ արտագրուած է՝ 2022-07-25
↑ «Սերօ Աբրահամեանի կենսագրականը AV Production»։ արխիւացուած է բնօրինակէն-էն՝ 2021-04-11-ին։ արտագրուած է՝ 2022-07-25

[1] Գրական տեղեկատու։ Երեւան: «Սովետական գրող»։ 1986։ էջ էջ 20։

[2] «ՍԵՐՕ ԱԲՐԱՀԱՄԵԱՆ (1925-2000)»։ www.jamanak.com։ արտագրուած է՝ 2022-07-25

[3] «Սերօ Աբրահամեանի կենսագրականը AV Production»։ արխիւացուած է բնօրինակէն-էն՝ 2021-04-11-ին։ արտագրուած է՝ 2022-07-25

[1]

[2]

[3]

Սերօ Աբրահամեան
Ծնած է	13 Յուլիս 1925(1925-07-13)
Ծննդավայր	Աշան, Մարտունու շրջան, Լեռնային Ղարաբաղի Ինքնավար Մարզ, Ազրպէյճանական Խորհրդային Սոցիալիստական Հանրապետութիւն, Անդրկովկասի ԽՖՍՀ, Խորհրդային Միութիւն
Մահացած է	12 Յուլիս 2000(2000-07-12) (74 տարեկանին)
Մահուան վայր	Սեւան, Գեղարքունիքի մարզ, Հայաստան
Մասնագիտութիւն	արձակագիր, բանաստեղծ
Անդամութիւն	Խորհրդային Հայաստանի Գրողներու Միութիւն եւ Հայաստանի Գրողներու Միութիւն
Կուսակցութիւն	Խորհրդային Միութեան համայնավարական Կուսակցութիւն