Սիրնա (յուն․՝ Σύρνα)․ Ասթիփալէայի քաղաքապետութեան պատկանող անբնակ կղզի, Տոտեքանիսա, Քարփաթիօ ծով, Էգէական ծով, Յունաստան։

Կղզի
Սիրնա
Σύρνα
Սիրնա կղզիին դիրքը, Ասթիփալէային հարաը
Երկիր Յունաստան, էգէական ծով
Շրջան Տոտեքանիսա
Տարածութիւն 7,868 քմ²
ԲԾՄ 322 մեթր
Բնակչութիւն 0 մարդ (2011)
Կը գտնուի ափին Էգէական Ծով
Ժամային գօտի UTC+2 եւ UTC+3։00
Փոստային ցուցանիշ 855 xx

Հակիրճ տեղեկութիւններ Խմբագրել

Տարածութիւնն է 7,9 քլ․²։ Ասթիփալէան շրջապատող կղզիակներու համալիրին ամենամեծ կղզին է եւ կը գտնուի անոր հարաւը։ Կղզիակները կը պատկանին Ասթիփալէա քաղաքապետութեան եւ անոնց հողատարածքները կը վարձուին մասնաւորաբար անասնաբուծական գործունէութեան համար։ Ամրան, Ասթիփալէայի Անալիփսի (կամ Մալթեզանա) ծովափէն զբօսանաւերով զբօսաշրջիկներ կղզիակ կը հասնին զուլալ ջուրերուն մէջ լողալու համար։

Բնապահպանում Խմբագրել

Կղզին յայատարարուած է NATURA 2000 Բնապահպանման շրջան․ բազէ (Falco eleonorae տեսակ), Էգէականի ճայ (αιγαιόγλαρος), ջրահատ (shearwater) թռչուններուն համար։

2003-ին կղզին շրջապատող ջուրերը (500 մեթր տրամագիծ) յայտարարուած են ծովային հնագիտական վայր․ ջուրին մէջ սուղուած գտնուած հնութիւններուն պահպանման պատճառով։

Պատմական ակնարկ Խմբագրել

Կղզիին խորունկ խորշին թիկունքը գտնուող բարձրութեան վրայ յայտնաբերուած են հնադարեան բերդի աւերակներ, որոնց շուրջը ցիր ու ցան կան նախապատմական եւ հելենիստական շրջաններուն պատկանող անօթներու կտորներ։ Իսկ կղզիին բացերուն հռոմէական նաւաբէկութենէն գտնուած մեծ գանձը՝ հռոմէական դրամներ, կը պատկանին Թիթոս Ֆլավիոս Տոմիթեանոս Titus Flavius Domitianus կայսրին իշխանութեան շրջանին (51 - 96)։

[1] [2] [3] [4] [5] [6]

Ծանօթագրութիւններ Խմբագրել

Արտաքին յղումներ Խմբագրել