Վերճիհան Զիֆլիօղլու

Վերճիհան Զիֆլիօղլու (1975, Պոլիս, Թուրքիա), պոլսահայ լրագրող, բանաստեղծ:

Վերճիհան Զիֆլիօղլու
Ծնած է 1975
Ծննդավայր Պոլիս, Թուրքիա
Ուսումնավայր Անատոլիական համալսարան?
Մասնագիտութիւն public relations executive

Կենսագրութիւն Խմբագրել

Բանկալթը Մխիթարեան վարժարանէն շրջանաւարտ ըլլալէ վերջ, աւարտած է Իսթանպուլի համալսարանի Հաղորդակցութեան եւ Էսքիշէհիր Անատոլու համալսարանի Հասարակական Յարաբերութեանց բաժինները[1]:

1996-1998 տարիներուն աշխատակցած է Պոլսահայ մամուլի «Մարմարա», «Ժամանակ» եւ «Նոր Սան» թերթերուն: Մաս կազմած է «Ակօս» շաբաթաթերթի առաջին խմբակին: Յատուկ լուրեր գրի առած, հայերէն մանկական էջեր խմբագրած, ինչպէս նաեւ սիւնակագիր եղած է: 1998-2007 տարիներուն աշխատակցած է «Հիւրրիյէթ» օրաթերթին, իսկ 2007-2014-ին «Հիւրրիյէթ Տէյլի Նիւզ»ին մէջ:1998-էն մինչեւ 2014 միաժամանակ յատուկ լուրեր պատրաստած է «Րէֆէրանս» թերթին: Լուրերը միաժամանակ հրատարակուած են «Հիւրրիյէթ Տէյլի Նիւզ» եւ «Րատիգալ» օրաթերթերուն մէջ: 2013 Դեկտեմբերէն մինչեւ 2014 Մայիս աշխատած է «Ալժազիրա» եւ  2014-2015 տարիներուն՝ Ռուսական լրատուական գործակալութեան մէջ:  2015 Նոյեմբերէն ի վեր կը պաշտօնավարէ «Ենի Եիւզեըլ» օրաթերթին մէջ, որպէս մասնագէտ լրագրող:

Զիֆլիօղլու մասնագիտացած է քաղաքականութեան, արտաքին լուրերու, Թուրքիոյ փոքրամասնութիւններուն, էթնիկ փոքրամասնութիւններուն, Հայ Սփիւռքի,  Մերձաւոր Արեւելք/ Կովկասի, Հայկական հարցի վերաբերեալ նիւթերու շուրջ: Յօդուածները լոյս տեսած են՝  ՊՊՍ, Ուաշինկթըն Թայմզ, Լէ Մոնտ, Ֆրանս 24-ի նման մամլոյ եւ հրատարակչական առաջատար մամուլի մէջ:  

Մրցանակներ Խմբագրել

  • 2007-ին չորս լրածրարներով Թուրքիան ներկայացուց եւ առաջնութեան մրցանակին տիրացաւ Շուէտական  Ինստիտուտի կողմէ 80 երկիրներու մասնակցութեամբ  կազմակերպուած համաշխարհային լրագրողական մրցումին:
  • 2008-ին արժանացաւ կեդրոնն Անգարա գտնուող Արդի Լրագրողներու «Լաւագոյն լուր»ի  մրցանակին:
  • 2012-ին  տիրացաւ Արդի Լրագրողներու Միութեան  «Լաւագոյն հարցազրոյց»ի մրցանակին:
  • 2010-ին  Հայաստանի մէջ լուրերու ուսումնասիրութեան  կրթաթոշակ շահեցաւ «Frederich-Ebert Stiftung»էն:

2014-ին ԱՄՆ Արտաքին Գործոց Նախարարութեան աջակցութեամբ կազմակերպուած զանազան խորագրերով լրագրողութիւն ծրագրի կապակցութեամբ, Զիֆլիօղլուն ԱՄՆ-ի դեսպանատան կողմէ «Փոքրամասնութիւններն ու Մարդկային Իրաւունքներ» ճիւղէն թեկնածու ներկայացուեցաւ: Այս ճիւղին համար Թուրքիայէն ընտրուած անունն եղաւ:  

Երկեր Խմբագրել

  1. Անանուն Երազ, Արաս Հրատարակչութիւն, Իսթանպուլ,  2000:
  2. Հանելուկ, Արաս Հրատարակչութիւն, Իսթանպուլ,  2007:
  3. Քաւարանի Հայերու Պատմութիւնները «Հաճելի չկրցանք ըլլալ՝ ո՛չ Յիսուսին, ո՛չ ալ Մուհամմէտին», Իլէթիշիմ Հրատարակչութիւն, 2015:

Հաւաքածոներ  Խմբագրել

  1. Սփիւռքահայ Արդի Գրականութիւն Վերջին Կէս Դարու, ԱՄՆ/Միշիկըն-1994:
  2. Ժամանակակից Իսթանպուլահայ Գրողներ, Լիբանան, 2004:
  3. The Other Voice Armenian Women Poetry Through the Ages, USA, Water town, 2004:
  4. Արդի Հայ Գրականութիւն, Հայաստանի Գրողներու Միութիւն, Երեւան, 2010[2]:

Ծանօթագրութիւններ Խմբագրել

  1. «Իսլամացած Հայերու Հարիւրամեայ Քաւարանը»։ Asbarez - Armenian (en-US)։ 2015-10-24։ արտագրուած է՝ 2020-04-13 [permanent dead link]
  2. «Բանաստեղծութիւններ»։ Ինքնագիր - գրական հանդէս (Հայերէն)։ արտագրուած է՝ 2020-04-13