Վիեննայի Նկարիչներու Տուն
Վիեննայի նկարիչներու տուն (գերմ.՝ Künstlerhaus Wien), ցուցահանդէսային համալիր Վիեննա քաղաքի կեդրոնը, որու գլխաւոր մուտքը Քարլսբլաց հրապարակէն է` Ռինկշդրասէի հարեւանութեամբ: Սեփականատէրը կը համարուի «Աւստրիոյ նկարիչներու միութիւնը» (գերմ.՝ Gesellschaft bildender Künstler Österreichs, Künstlerhaus), որ Աւստրիոյ մէջ գոյութիւն ունեցող արուեստի ամենահին կազմակերպութիւնն է:
Պատմութիւն Խմբագրել
Շէնքը կառուցուած է 1865-1868-ականներուն եւ կատարած է եռակի դեր. եղած է գեղանկարչութեան, քանդակագործութեան, ճարտարապետութեան եւ դեկորատիւ-կիրառական արուեստի ցուցահանդէսային կեդրոն, ծառայած է իբրեւ ակումբ բոլոր նկարիչներուն համար` անկախ անոնց տեսակէտէն, աշխատանքի որակէն եւ ոճէն, համարուած է վիեննացի նկարիչներու մասնագիտական կեդրոն: Նկարիչներու ընկերութիւնը եղած է միաւորում, ուր իւրաքանչիւր մարդու իրաւունքները կը յարգուին ժողովրդավարութեան համընդհանուր սկզբունքներու հիման վրայ[1]:
Շէնքի ճարտարապետը եղած է Ավկուսդ Վեպերը[2]: Շինարարութեան ընթացքին օգտագործուած է Վիեննական Անտօն Վասերպուրկէր ընկերութեան աւստրիական տարբեր տեսակի քարեր: Շէնքի փականաքարը դրած է կայսր Ֆրանց Ժոզէֆ Ա.-ը: Շէնքը կառուցուած է իտալական վերածնունդի ոճով, որու բացումը կատարուած է 1 Սեպտեմբեր1868-ին: Բացման պահուն եղած է Ռինկշդրասէի առաջին քարէ շէնքերէն մէկը: 1882-ին շէնքը ընդարձակուեցաւ, կցակառուցելով երկու կողաշէնքեր:
Ամէն գարուն նկարիչներու տան մէջ տեղի կ՚ունենայ ամէնամեայ ցուցահանդէս, ուր կը ցուցադրուին վերջին տասներկու ամիսներու ընթացքին եղած աշխատանքները: Իւրաքանչիւր չորս տարին մէկ տեղի կ՚ունենայ խոշոր միջազգային գեղարուեստական ցուցահանդէս:
Պատկերասրահ Խմբագրել
1949-ին շէնքի աջ թեւին մէջ բացուեցաւ պատկերասրահ, որ կ՚օգտագործուէր Վիեննայի մէջ կազմակերպուող ամէնամեայ Viennale պատկերասրահի փառատօնի ֆիլմերու ընտրութեան համար: 20 Դեկտեմբեր 2012-ին Վիեննայի նկարիչներու տունը 20 տարուայ պայմանագիր կնքեց Վիեննայի պատկերասրահի փառատօնի ղեկավարութեան հետ, որու համաձայն «Վիեննայի քաղաքային պատկերասրահը» Շուարցենպերկպլատց հրապարակի № 8 շէնքէն տեղափոխուեցաւ Նկարիչներու տան պատկերասրահ: «Քաղաքային պատկերասրահի» բացումը տեղի ունեցաւ 26 Սեպտեմբեր 2013–ին, «Զինուոր Ժաննետտ», «Ռատիոյի տուն» եւ «Յարմոնիայի դասերը» ֆիլմերու ցուցադրութեամբ: 2014-էն ի վեր այն կը համարուի Վիեննայի պատկերասրահի փառատօնի կարճ ֆիլմերու փառատօնային կեդրոն[3]: 1974-ին այստեղ բացուած էր նաեւ թատրոն[4]:
Ծանօթագրութիւններ Խմբագրել
- ↑ HGWulz։ «KH Doku»։ www.wulz-art.net։ արտագրուած է՝ 2018-04-22
- ↑ Österreichische Nationalbibliothek։ «ÖNB-ANNO - Allgemeine Bauzeitung» (գերմաներեն)։ anno.onb.ac.at։ արտագրուած է՝ 2018-04-22
- ↑ m.b.H. STANDARD Verlagsgesellschaft։ «Stadtkino übersiedelt definitiv ins Künstlerhaus»։ derStandard.at։ արտագրուած է՝ 2018-04-22
- ↑ https://austria-forum.org/ Austria-Forum |։ «Künstlerhaus»։ Austria-Forum (գերմաներեն)։ արտագրուած է՝ 2018-04-22
Լրացուցիչ գրականութիւն Խմբագրել
- Wilhelm Rüdiger (editor): Junge Kunst im Deutschen Reich. Ehrlich & Schmidt, Vienna, 1943. Կաղապար:De icon
- Wladimir Aichelburg: Das Wiener Künstlerhaus 1861 - 2001 (Volume 1). Vienna, 2003. Կաղապար:De icon
- Robert Schediwy: Städtebilder. Reflexionen zum Wandel in Architektur und Urbanistik Google Booksի վրայ:. Münster, 2004 / Vienna, 2005.
- The Wiener Künstlerhaus. 125 лет вфотографиях. (Альбом фотографий) Kunstverlag Wolfrum, Vienna 1986. ISBN 3-900-178-04-6