Ֆալաքրօ

Ֆալաքրօ լեռ (յուն․՝ Φαλακρό, կը թարգմանուի որպէս «ճաղատ լեռ»)․ Տրամա շրջանային միաւոր, Մակեդոնիա (հիւսիսային Յունաստան), Յունաստան։ Բարձրագոյն գագաթը 2232 մ․ է։ Լերան վրան կը գործէ լեռնադահուկային հանգիստավայրի կեդրոն մը։

Ֆալաքրօ
Ֆալաքրօ
Տեսակ	լեռ
Երկիր	Յունաստան
Վարչատարածքային միաւոր	Տրամա
Լեռնաշղթայ	Ֆալաքրօ
Բարձրութիւնը ծովու մակարդակէն	2232 մեթր
Բարձրագոյն գագաթ	Փրոֆիթիս Իլիաս
Պահպանման տարածք	Natura 2000

Ընդհանուր տեղեկութիւններ

Ֆալաքրօ․ լեռնադահուկային հանգիստավայրը

Ֆալաքրօ լեռնազանգուածը արեւելեան Մակեդոնիոյ եւ Թրակիոյ բարձրագոյն լեռն է, Փրոֆիթիս Իլիաս գագաթով (2232մ․)։ Արեւմուտքէն կապուած է Օրվիլոս լերան հետ, իսկ արեւելքէն կը հանգի Նեսթոս գետին հովիտը որ զայն կը բաժնէ կեդրոնական Ռոտոփիէն։

Լեռնազանգուածը կը բաղկանայ 3 գլխաւոր ուռերէ։

Բնապահպանում

Ֆալաքրօ լերան գագաթները, որոնց տարածութիւնը 99,57 քլ² է, պահպանուած կենսավայրեր են ՆԱԹՈՒՐԱ 2000 համաեւրոպական օղահիւսքէն (բնութեան պահպանման յատուկ եւրոպական ծրագիրներ)։

Բուսականութիւն

Վայրի ձիեր

Լեռնազանգուածին բուսականութիւնը կ՛ընդգրկէ բազմաթիւ բոյսերու տեսակներ որոնց թիւը Յունաստանի տարածքին սակաւաթիւ է։ Ինչպէս օրինակ՝ հաւկթաձեւ «ամելայնհեր», զուարթ թրաշուշան, այծիտ, արջախաղող, Ռոտոփիի (հապերլէա), թուխ «նիկրիթելա», վալերիանա, լերան թէյ, այռուած խոլորձ, եւայլն։

Կենդանական աշխարհ

Գալաքրօ լերան բնապահպանուած կենդանական աշխարհին մէջ կը հանդիպինք ողնայարներու եւ անողնայարներու․ եւրոպական ջրասամոյրին, գայլին, Ալքոն բծայինին, եղջերափողին, ագուռ ջղջիկին, վայրի կատուին, աղուէսնին, վայրի ձիուն, վայրի խոզին, ականջաջղջիկին, «փիփիսթրելի»ին, լեռնամկանին, «փսեւտօհազար»ին, եւայլն։

Պատկերասրահ

• 
  Ֆալաքրօ
• 
• 
  Ֆալաքրօ․ գագաթէն նկարուած
• 
• 
• 
• 
  Ֆալաքրօ․ սառած գետ
• 
  Ֆալաքրօ․ տեսարան հիւսիս-արեւմուտքէն
• 
  Ֆալաքրօ․ արեւելքէն
• 
• 
• 
• 
• 
• 
• 

Տե՛ս նաեւ

Ռոտոփի լեռնաշղթայ