Ֆեռերօ Ռոշէ
Ֆեռերօ Ռոշէ (Իտալերէն արտասանութեամբ՝ ferˈrɛːro roʃˈʃe)՝ տուրմէ եւ կաղինէ պատրաստուած քաղցրաւենիք՝ ստեղծուած իտալացի տուրմ արտադրող Մայքըլ Ֆեռերոյի (Michele Ferrero) կողմէ։
| Ֆեռերօ Ռոշէ Ferrero Rocher | |
|---|---|
.jpg) | |
| Ենթատեսակ | շաքարեղէն |
| Առաջացման երկիր |
 Իտալիա |
| Արտադրող | Ֆեռերօ |
| Ստեղծման տարեթիւ | 1982 |
| Բաղադրամասեր | |
| Հիմնական | կաղին եւ տուրմ |
Պատմութիւն Խմբագրել
Ֆեռերօ Ռոշէն առաջին անգամ Իտալիոյ մէջ ներկայացուած է 1979-ին, իսկ Եւրոպայի մէջ՝ 1982-ին։
Մայքըլ Ֆեռերօ տուրմը նախ անուանած է «Լուրտ», կաթոլիկ սրբավայր քարայրին անունով՝ Rocher de Massabielle [1]:
Ռոշէ անուանումը ֆրանսերէն է եւ կը նշանակէ՝ ժայռ կամ Գլաքար [2]։
Ընտանեկան փոքր ընկերութիւնը, որ համեստ փողոցի մը մէջ քաղցրաւենիքի արտադրութեամբ կը զբաղէր, կը վերածուի 8,4 միլիար եւրօ շահոյթ ապահովող կայսրութեան մը, որ կ'ընդգրկէ 53 երկիր: Ֆեռերօ ընտանիքը ներկայիս կը համարուի Իտալիոյ ամէնէն հարուստ ընտանիքը[3]:
Ներկայիս ընկերութիւնը կ'օգտագործէ ամբողջ աշխարհին արտադրած կաղինին մէկ քառորդը:
Արտադրութիւն Խմբագրել
Արտադրական գործընթացը գաղտնի է. գործարանէն ներս արգիլուած է բջիջային հեռաձայններու օգտագործումը։
2015-ի տուեալներով, շատ քիչ լրագրողներ հրաւէր ստացած են գործարանէն ներս մուտք գործելու։
2015-ի դրութեամբ, Ալպա (Alba) գործարանը օրական կ'արտադրէ 24 միլիոն Ֆեռերօ Ռոշէ[4]։
Տարածում Խմբագրել
Աւելի քան 40 երկիրներու մէջ տարեկան մօտաւորապէս 3,6 միլիար Ֆեռերօ Ռոշէ կը վաճառուի։
2015-ի տուեալներով, Ֆեռերօ Ռոշէի 61%-ը վաճառուած է տարուան վերջին երեք ամիսներուն ընթացքին։
Ծանօթագրութիւններ Խմբագրել
- ↑ Caldwell Zelda (8 May 2018)։ «How Ferrero Rocher chocolates were inspired by the Virgin Mary» (անգլերեն)։ Aleteia։ արխիւացուած է բնօրինակէն-էն՝ 28 February 2020-ին։ արտագրուած է՝ 19 March 2021
- ↑ «rocher - traduction - Dictionnaire Français-Anglais»։ WordReference.com
- ↑ Արտադրութիւն
- ↑ Sarah Butler (30 October 2015)։ «Full steam ahead at Ferrero factory as chocolatier eyes No 1 spot in UK»։ The Guardian